|
|
 |
| (GMT+08:00)
2007-03-20 16:03:37
|
 |
|
ເຂດກວາງຊີຈີນກັບມາເລເຊຍຮ່ວມມືກັນຮັກສາສຸຂະພາບດ້ວຍແພດພື້ນເມືອງຈີນ
cri
Author: da
ຕາມຂ່າວສານຈີນ:ວັນທີ 19 ມີນານີ້ ພະແນກສຶກສາທິການເຂດກວາງຊີ ພາກຕາເວັນຕົກສຽງໃຕ້ຂອງຈີນແຈ້ງໃຫ້ຊາບວ່າ,ໂດຍຜ່ານການອະນຸມັດຈາກກະຊວງພາຍໃນຂອງມາເລເຊຍ,ຫວ່າງມໍ່ໆນີ້ ນັກວິຊາການດ້ານຮັກສາສຸຂະພາບ 14 ຄົນຂອງຂະແໜງພະຍາບານສະຖາບັນແພດສາດພື້ນເມືອງຈີນເຂດກວາງຊີເດີນທາງໄປກົວລາລຳເປີເພື່ອເຮັດວຽກຢູ່ສູນຮັກສາສຸຂະພາບ,ນີ້ແມ່ນເຂດກວາງຊີຮ່ວມມືກັບມາເລເຊຍໃນດ້ານເຕັກນິກຮັກສາສຸຂະພາບດ້ວຍແພດພື້ນເມືອງຈີນເປັນຄັ້ງທຳອິດ.
ສູນຮັກສາສຸຂະພາບດັ່ງກ່າວແມ່ນສະຖາບັນແພດພື້ນເມືອງຈີນເຂດກວາງຊີກັບບໍລິສັດແຫ່ງໜຶ່ງຂອງມາເລເຊຍຮ່ວມກັນລົງທຶນສ້າງຂຶ້ນ,ຈຸດປະສົງແມ່ນເຜີຍແຜ່ເຕັກນິກຮັກສາສຸຂະພາບດ້ວຍແພດພື້ນເມືອງຈີນເຊັ່ນການນວດແລະປັກເຂັມເປັນຕົ້ນ,ເພື່ອຮັກສາສຸຂະພາບຂອງປະຊາຊົນທ້ອງຖິ່ນ.
ຫຼັງຈາກງານວາງສະແດງສິນຄ້າຈີນອາຊຽນຈັດຂຶ້ນຢູ່ເຂດກວາງຊີຢ່າງສຳເລັດຜົນໃນ3ປີລຽນຕິດ,ການຮ່ວມມືດ້ານແພດພື້ນເມືອງຈີນລະຫວ່າງເຂດກວາງຊີກັບປະເທດອາຊຽນໄດ້ເພີ່ມຂຶ້ນຢ່າງບໍ່ຢຸດຢັ້ງ.ຫວ່າງມໍ່ໆນີ້,ສະຖາບັນແພດພື້ນເມືອງຈີນເຂດກວາງຊີໄດ້ເຊັນບົດບັນທຶກຊ່ວຍຈຳຮ່ວມມືກັບມະຫາວິທະຍາໄລຂອງໄທແຫ່ງໜຶ່ງ,ມະຫາວິທະຍາໄລແຫ່ງນີ້ຈະເຊື້ອເຊີນສະຖາບັນແພດພື້ນເມືອງຈີນເຂດກວາງຊີເຂົ້າຮ່ວມການກໍ່ສ້າງໂຮງໝໍຄົ້ນຄວ້າແພດສາດພື້ນເມືອງຈີນຂອງຝ່າຍໄທ.ສວນພືດຢາພື້ນເມືອງເຂດກວາງຊີກໍໄດ້ລົງນາມໃນເອກະສານຮ່ວມມືຄົ້ນຄວ້າກັບສວນພືດຢາພື້ນເມືອງອິນໂດເນເຊຍກ່ຽວກັບການນຳໃຊ້ຢາພື້ນເມືອງປ້ອງກັນແລະປິ່ນປົວພະຍາດເອດແລະໄຂ້ຫວັດສັດປີກເປັນຕົ້ນ.
|
|
|
