|
|
 |
| (GMT+08:00)
2007-03-21 15:51:09
|
 |
|
ຈີນຈະອອກແຮງຊຸກຍູ້ການພັດທະນາແພດສາດແລະຢາພື້ນເມືອງຈີນ
cri
Author: da
ຕາມຂ່າວCRI: ວັນທີ21ມີນານີ້ ແຜນພັດທະນາແພດສາດແລະຢາພື້ນເມືອງຈີນປີ2006-2020ທີ່ລັດຖະບານຈີນວາງໄວ້ນັ້ນ ໄດ້ຮັບການເຜີຍແຜ່.ດ້ວຍເຫດນີ້,ຂະແໜງການທີ່ກ່ຽວຂ້ອງຂອງຈີນຈະຕັ້ງໜ້າຄົ້ນຄວ້າວາງນະໂຍບາຍແລະມາດຕະການທີ່ກ່ຽວຂ້ອງກັບການຊຸກຍູ້ການພັດທະນາແພດສາດແລະຢາພື້ນເມືອງຈີນ,ຊຸກຍູ້ການສ້າງແລະປັບປຸງມາດຖານກົດລະບຽບທີ່ກ່ຽວຂ້ອງໃຫ້ດີ,ເພີ່ມທະວີການປົກປັກຮັກສາແລະນຳໃຊ້ສິດຊັບສິນທາງປັນຍາແລະຊັບພະຍາກອນດ້ານແພດສາດແລະຢາພື້ນເມືອງຈີນ.
ແຜນການນີ້ໄດ້ກຳນົດຂົງເຂດພັດທະນາກ່ອນໝູ່ທີ່ກ່ຽວຂ້ອງກັບແພດສາດແລະຢາພື້ນເມືອງຈີນຫຼາຍຂົງເຂດ,ຊຶ່ງລວມທັງການເພີ່ມທະວີການຄົ້ນຄວ້າວິທີປ້ອງກັນແລະປິ່ນປົວພະຍາດຮ້າຍແຮງ ພະຍາດຕິດແປດແລະພະຍາດທີ່ບໍ່ຄ່ອຍພົບ; ເລັ່ງລັດສ້າງລະບົບເຕັກນິກກະສິກຳຢາພື້ນເມືອງຈີນ,ເພີ່ມທະວີການປະດິດສ້າງແລະຄົ້ນຄວ້າເຕັກນິກຕົ້ນຕໍຂອງອຸດສາຫະກຳຢາພື້ນເມືອງຈີນ; ສ້າງລະບຽບຂອງແພດສາດແລະຢາພື້ນເມືອງຈີນທີ່ຄົບຖ້ວນ,ຊຸກຍູ້ຄວາມເຂົ້າໃຈຂອງປະຊາຄົມໂລກຕໍ່ແພດສາດແລະຢາພື້ນເມືອງຈີນເປັນຕົ້ນ.
|
|
|
