|
|
 |
| (GMT+08:00)
2007-03-21 15:56:37
|
 |
|
ຊາວກະສິກອນຈີນທີ່ເຮັດວຽກໃນຕົວເມືອງ 200 ລ້ານຄົນຈະໄດ້ຮັບຂໍ້ສະດວກໃໝ່
cri
Author: da
ຕາມໜັງສືພິມເຢິນມິນຢື້ປ້າວສະບັບຕ່າງປະເທດ: ຫວ່າງມໍ່ໆນີ້ ຈີນໄດ້ປະກາດຂໍ້ກຳນົດໃໝ່ຫຼາຍສະບັບ,ເພື່ອເພີ່ມຂໍ້ສະດວກໃໝ່ໃຫ້ແກ່ຊາວກະສິກອນ ຈີນທີ່ເຮັດວຽກໃນຕົວເມືອງປະມານ 200 ລ້ານຄົນ.
ກອງປະຊຸມສະພາປະຊາຊົນແຫ່ງຊາດຈີນຄັ້ງທີ 5 ສະໄໝທີ 10 ທີ່ອັດລົງໃນຫວ່າງມໍ່ໆນີ້ຕົກລົງວ່າ,ໃນຜູ່ແທນສະພາປະຊາຊົນແຫ່ງຊາດຈີນສະໄໝທີ 11 ທີ່ເລືອກຕັ້ງໃນເດືອນມັງກອນປີ 2008,ຕ້ອງມີຜູ່ແທນກຳມະກອນແລະຊາວກະສິກອນທີ່ເຮັດວຽກຢູ່ແນວທີໜຶ່ງຫຼາຍກວ່າຊຸດທີ່ຜ່ານມາ.
ຫວ່າງມໍ່ໆນີ້ ກະຊວງກໍ່ສ້າງຈີນກ່າວວ່າ,ຂອບເຂດປົກຄຸມທີ່ໃຊ້ນະໂຍບາຍເງິນສະສົມສ່ວນລວມເຮືອນຢູ່ໃນປີນີ້ຈະເປີດກວ້າງໄປເຖິງຜູ່ຄົນທີ່ປະກອບອາຊີບຊະນິດຕ່າງໆໃນຕົວເມືອງແລະຊົນນະບົດເທື່ອລະກ້າວ ຊຶ່ງລວມທັງຊາວກະສິກອນທີ່ມີວຽກເຮັດປະຈຳໃນຕົວເມືອງ.
ນອກນີ້,ກະຊວງສາທາລະນະສຸກຈີນຈະລິເລີ່ມການທົດລອງການຮັບປະກັນການປິ່ນປົວປະຊາຊົນໃນຕົວເມືອງແລະຊົນນະບົດຊື່ງລວມທັງຊາວກະສິກອນທີ່ເຮັດວຽກໃນຕົວເມືອງ.
|
|
|
