|
ກົມການເມືອງສູນກາງພັກກອມມູນິດຈີນໄຂກອງປະຊຸມຮັບຟັງການລາຍງານວຽກງານກະກຽມງານກິລາໂອລິມປິກປັກກິ່ງປີ2008
cri
ຕາມຂ່າວສານຊິນຮວາ,ວັນທີ23ມີນານີ້,ກົມການເມືອງສູນກາງພັກກອມມູນິດຈີນໄດ້ໄຂກອງປະຊຸມຢູ່ທີ່ປັກກິ່ງ,ເພື່ອຮັບຟັງການລາຍງານວຽກງານກະກຽມງານກິລາໂອລິມປິກປັກກິ່ງປີ2008.ທ່ານຫູຈິນທາວ ເລຂາທິການໃຫຍ່ສູນກາງພັກກອມມູນິດຈີນໄດ້ເປັນປະທານ ກອງປະຊຸມ.
ທີ່ປະຊຸມກ່າວເນັ້ນວ່າ,ການຈັດງານກິລາໂອລິມປິກແມ່ນຄວາມປາຖະໜາຮ່ວມຂອງປະຊາຊົນຈີນບັນດາເຜົ່າ,ມັນມີຄວາມໝາຍສຳຄັນທີ່ສຸດຕໍ່ຈີນເພື່ອເພີ່ມທະວີການແລກປ່ຽນແລະຮ່ວມມືກັນກັບປະເທດຕ່າງໆໃນໂລກ,ເພີ່ມຄວາມເຂົ້າໃຈກັນແລະມິດຕະພາບລະຫວ່າງປະຊາຊົນຈີນກັບປະຊາຊົນໃນໂລກ.ສະນັ້ນ,ຕ້ອງພະຍາຍາມສຸດຂີດຈັດງານກິລາໂອລິມປິກປັກກິ່ງໃຫ້ໄດ້ດີ.
ທີ່ປະຊຸມກ່າວເນັ້ນວ່າ,ຕ້ອງປະຕິບັດຢ່າງເອົາຈິງເອົາຈັງຕາມຄຳໝັ້ນສັນຍາທີ່ຈີນໃຫ້ໄວ້ໃນເວລາຮ້ອງຂໍເປັນເຈົ້າພາບຈັດງານກິລາໂອລິມປິກ,ຍຶດໝັ້ນທິດທາງທີ່ຈັດງານກິລາໂອລິມປິກແບບປະຢັດແລະປອດໃສ.
ທີ່ປະຊຸມຊີ້ອອກວ່າ,ປີນີ້,ຕ້ອງກໍ່ສ້າງສະໜາມກິລາແລະສະໜາມກິລາໃນຮົ່ມແລະສິ່ງກໍ່ສ້າງທີ່ກ່ຽວຂ້ອງຂອງງານກິລາໂອລິມປິກປັກກິ່ງປີ2008ໃຫ້ສຳເລັດໂດຍພື້ນຖານ,ເຮັດໜ້າທີ່ສຳຄັນຕ່າງໆເຊັ່ນການຈັດຕັ້ງການແຂ່ງຂັນ,ພິທີການຂະໜາດໃຫຍ່ແລະການປ້ອງກັນຄວາມປອດໄພເປັນຕົ້ນໃຫ້ສຳເລັດໂດຍພື້ນຖານ.
|
|
