|
|
 |
| (GMT+08:00)
2007-03-26 18:21:21
|
 |
|
ຈີນຈະຄົ້ນຄວ້າການສ້າງຕາໜ່າງຂໍ້ມູນຂ່າວສານອະໄວຍະວະທີ່ຮັບບໍລິຈາກ
cri
Author: da
ຕາມຂ່າວສານຊິນຮວາ: ວັນທີ 25 ມີນານີ້ ທ່ານຮວງເຈຟູ່ ລັດຖະມົນຕີຊ່ວຍວ່າການກະຊວງສາທາລະນະສຸກຈີນກ່າວວ່າ,ແຕ່ໃດມາ ແຫຼ່ງອະໄວຍະວະຂອງຄົນແມ່ນບັນຫາຕົ້ນຕໍທີ່ກະທົບກະເທືອນການພັດທະນາຍ້າຍຕໍ່ອະໄວຍະວະຂອງຈີນ,ສະນັ້ນ ຈີນຈະຄົ້ນຄວ້າການສ້າງຕາໜ່າງຂໍ້ມູນຂ່າວສານອະໄວຍະວະທີ່ຮັບບໍລິຈາກ.
ໃນງານສຳມະນາວິຊາຍ້າຍຕໍ່ຕັບທົ່ວປະເທດຈີນຄັ້ງທີ3ທີ່ຈັດຂຶ້ນຢູ່ນະຄອນທຽນສິນເມືອງທ່າພາກເໜືອຈີນໃນມື້ດຽວກັນ ທ່ານຮວງເຈຟູ່ກ່າວວ່າ,ເຕັກນິກຍ້າຍຕໍ່ອະໄວຍະວະຄົນຂອງຈີນໃນເກືອບ5ປີມານີ້ໄດ້ຮັບຄວາມຄືບໜ້າຢ່າງວ່ອງໄວ,ແຕ່ລະປີ ຢູ່ຈີນມີປະມານ 1 ລ້ານ 5 ແສນຄົນໄດ້ຍ້າຍຕໍ່ອະໄວຍະວະໂດຍຍ້ອນອະໄວຍະວະໝົດບົດບາດ,ແຕ່ພຽງແຕ່1ໝື່ນຄົນໄດ້ຮັບການປິ່ນປົວ.
ທ່ານຮວງເຈຟູ່ກ່າວວ່າ,ຍ້ອນຈຳນວນອະໄວຍະວະທີ່ບໍລິຈາກຖືກຈຳກັດ,ບໍ່ສາມາດຕອບສະໜອງຄວາມຕ້ອງການການປິ່ນປົວຂອງຜູ່ເຈັບ,ຈີນຈະຄົ້ນຄວ້າການສ້າງຕາໜ່າງຂໍ້ມູນຂ່າວສານຈົດທະບຽນແລະແບ່ງປັນອະໄວຍະວະທີ່ຮັບບໍລິຈາກ.ໂດຍຜ່ານການສ້າງຕາໜ່າງຂໍ້ມູນຂ່າວສານແບ່ງປັນອະໄວຍະວະຄົນ,ຍົກສູງຄວາມສະເໝີພາບ ທ່ຽງທຳ ເປີດເຜີຍແລະປະສິດທິພາບການນຳໃຊ້ຂອງການແບ່ງປັນອະໄວຍະວະ.
|
|
|
