|
|
 |
| (GMT+08:00)
2007-03-30 17:09:25
|
 |
|
ຈີນຈະຍົກເລີກລະບອບຈົດທະບຽນສຳເນົາໃນຕົວເມືອງແລະຊົນນະບົດ
cri
Author: da
ຕາມຂ່າວສານຊິນຮວາ: ວັນທີ 29 ມີນານີ້ ກະຊວງປ້ອງກັນຄວາມສະຫງົບຈີນຈັດກອງປະຊຸມ,ຫາລືສ້າງລະບົບຈົດທະບຽນສຳມະໂນຄົວຕົວເມືອງແລະຊົນນະບົດໃຫ້ເປັນເອກະພາບກັນ.ນີ້ເປັນຂີດໝາຍສະແດງໃຫ້ເຫັນວ່າ ບັນຫາຍົກເລີກລະບົບສຳມະໂນຄົວທີ່ແບ່ງເປັນຕົວເມືອງແລະຊົນນະບົດທີ່ໄດ້ຮັບຄວາມສົນໃຈຢ່າງກວ້າງຂວາງນັ້ນ ມີຫວັງຈະໄດ້ຮັບການແກ້ໄຂ.
ລະບົບສຳມະໂນຄົວທີ່ແບ່ງເປັນຕົວເມືອງແລະຊົນນະບົດຂອງຈີນໃນປະຈຸບັນໄດ້ປະຕິບັດມາເກືອບ50ປີແລ້ວ,ແມ່ນສ້າງຂຶ້ນເທື່ອລະກ້າວເພື່ອໃຫ້ສອດຄ່ອງກັບໂຄງປະກອບເສດຖະກິດແຜນການ. ໃນຍຸກສະໄໝປະຕິຮູບ ໄຂປະຕູສູ່ພາຍນອກ ແລະເສດຖະກິດຕະຫຼາດ,ລະບົບຄຸ້ມຄອງສຳມະໂນຄົວແບບເກົ່ານີ້ໄດ້ນຳເອົາຂໍ້ບົກຜ່ອງທີ່ບໍ່ສະເໝີພາບພວມຄ່ອຍໆພົ້ນເດັ່ນຂຶ້ນ.
ໃນຫຼາຍປີມານີ້ 12 ເຂດແຂວງຄືແຂວງເຫີເປແລະແຂວງລຽວນິງຂອງຈີນໄດ້ຍົກເລີກການຂີດແບ່ງລັກສະນະສຳມະໂນຄົວຕົວເມືອງແລະຊົນນະບົດ,ເຮັດໃຫ້ລະບົບຈົດທະບຽນສຳມະໂນຄົວຕົວເມືອງແລະຊົນນະບົດເປັນເອກະພາບກັນ,ເອີ້ນລວມເປັນສຳເນົາພົນລະເມືອງ.ນະຄອນຫຼວງປັກກິ່ງ ນະຄອນຊຽງໄຮ້ແລະນະຄອນກວາງໂຈ່ວເປັນຕົ້ນກໍພວມກະກຽມຢ່າງຕັ້ງໜ້າເພື່ອເລື່ອງນີ້.
|
|
|
