|
ລັດຖະບານຈີນສະແດງຄວາມບໍ່ພໍໃຈຢ່າງຮຸນແຮງຕໍ່ອາເມລິກາທີ່ເກັບພາສີຕ້ານການເກື້ອກູນຕໍ່ສິນຄ້າຈີນ
cri
ຕາມຂ່າວສານຊິນຮວາ,ຕອນຮຸ່ງເຊົ້າວັນທີ31ມີນານີ້,ທ່ານວາງຊິນເຜີຍໂຄສົກກະຊວງການຄ້າຈີນກ່າວວ່າ,ລັດຖະບານຈີນສະແດງຄວາມບໍ່ພໍໃຈຢ່າງຮຸນແຮງຕໍ່ອາເມລິກາປະກາດເກັບພາສີຕ້ານການເກື້ອກູນຊົ່ວຄາວຕໍ່ຜະລິດຕະພັນເຈັ້ຍພິມພາບວິຈິດຕະກຳທີ່ຈີນສົ່ງໄປຂາຍໃຫ້ອາເມລິກາ.
ທ່ານວາງຊິນເຜີຍກ່າວວ່າ,ຕັ້ງແຕ່ປີ1984,ອາເມລິກາກໍໄດ້ກຳນົດວ່າຈະບໍ່ປະຕິບັດກົດໝາຍຕ້ານການເກື້ອກູນຕໍ່ອັນທີ່ວ່າ"ປະເທດທີ່ບໍ່ແມ່ນເສດຖະກິດຕະຫຼາດ".ເທື່ອນີ້,ໃນກໍລະນີທີ່ອາເມລິກາຍຶດໝັ້ນຖືຈີນເປັນ"ປະເທດທີ່ບໍ່ແມ່ນເສດຖະກິດຕະຫຼາດ",ແຕ່ຊ້ຳພັດບໍ່ເອົາຫົວຊານຳການຄັດຄ້ານຢ່າງຮຸນແຮງຂອງຈີນ,ປະຕິບັດກົດໝາຍຕ້ານການເກື້ອກູນຕໍ່ຈີນ,ນີ້ໄດ້ທຳລາຍຜົນປະໂຫຍດແລະບາດໃຈຂອງວົງການຂະແໜງການຂອງຈີນ,ວົງການຂະແໜງການຂອງຈີນແມ່ນຮັບເອົາບໍ່ໄດ້.ການກະທຳຂອງອາເມລິກາໄດ້ຝ່າຝືນມະຕິເອກະສັນທີ່ແກ້ໄຂຄວາມຂັດແຍ່ງດ້ວຍການເຈລະຈາກັນທີ່ຜູ່ນຳຈີນອາເມລິກາໄດ້ຕົກລົງກັນ,ຝ່າຍຈີນຮຽກຮ້ອງຢ່າງແຮງກ້າໃຫ້ຝ່າຍອາເມລິກາຈົ່ງພິຈາລະນາການຕົກລົງດັ່ງກ່າວຄືນໃໝ່,ແລະດັດແກ້ໂດຍໄວເທົ່າທີ່ຈະໄວໄດ້.
|
|
