|
|
 |
| (GMT+08:00)
2007-04-01 17:46:40
|
 |
|
ທ່ານຫູຈີນທາວແລະຜູ້ນຳອື່ນໆຂອງຈີນເຂົ້າຮ່ວມກິດຈະກຳປູກຕົ້ນໄມ້ຕາມພັນທະ
cri
ຕາມຂ່າວສານຊິ່ນຮວາ: ຕອນເຊົ້າວັນທີ 1 ເມສານີ້, ທ່ານຫູຈີນທາວ ປະທານປະເທດແລະຜູ້ນຳອື່ນໆຂອງຈີນໄດ້ໄປສວນສາທາລະນະປ່າໄມ້ໂອລິມປິກປັກກິ່ງ, ເພື່ອເຂົ້າຮ່ວມກິດຈະກຳປູກຕົ້ນໄມ້ຕາມພັນທະກັບຜູ້ແທນປະຊາຊົນວົງການຕ່າງໆຂອງປັກກິ່ງ.
ວັນທີ 1 ເມສານີ້ແມ່ນວັນປູກຕົ້ນໄມ້ຕາມພັນທະທົ່ວປວງຊົນຄັ້ງທີ 23 ຂອງປັກກິ່ງ. ປັກກິ່ງມີເກືອບ 2 ລ້ານຄົນໄດ້ເຂົ້າຮ່ວມກິດຈະກຳປູກຕົ້ນໄມ້ຕາມພັນທະຢູ່ບ່ອນຕ່າງໆ.
ສວນສາທາລະນະປ່າໄມ້ໂອລິມປິກປັກກິ່ງຕັ້ງຢູ່ທິດເໜືອຂອງສະໜາມກິລາຕົ້ນຕໍຂອງງານກິລາໂອລິມປິກປີ 2008, ໃນຫຼາຍປີມານີ້, ຜູ້ນຳຈີນ ຄື ທ່ານຫູຈີນທາວເປັນຕົ້ນເຄີຍມາປູກຕົ້ນໄມ້ຢູ່ແຫ່ງນີ້ຫຼາຍເທື່ອ.
ປະຈຸບັນ, ວຽກງານປູກຕົ້ນໄມ້ໃຫ້ຂຽວງາມໃນລະດູໃບໄມ້ປົ່ງຂອງຈີນພວມດຳເນີນແຕ່ພາກໃຕ້ໄປສູ່ພາກເໜືອຢ່າງຮອບດ້ານ. ຕາມສະຖິຕິຂອງກົມປ່າໄມ້ແຫ່ງຊາດ, ນັບມາຮອດປະຈຸບັນ, ທົ່ວປະເທດໄດ້ປູກຕົ້ນໄມ້ 9 ແສນກວ່າເຮັກຕາ, ທົ່ວປະເທດໄດ້ປູກຕົ້ນໄມ້ຕາມພັນທະເກືອບ 400 ລ້ານຕົ້ນ.
|
|
|
