|
ຕາມຂ່າວCRI：ວັນທີ 2 ເມສານີ້, ທ່ານເວີ່ນເຈຍປາວ ນາຍົກລັດຖະມົນຕີຈີນໄດ້ລົງນາມລັດຖະດຳລັດ, ແຕ່ງຕັ້ງທ່ານເຈິ່ງອິນສວນເປັນຜູ້ວ່າການຊຸດທີສາມຂອງເຂດບໍລິຫານພິເສດຮົງກົງ, ແລະເລີ່ມເຂົ້າຮັບຕຳແໜ່ງໃນວັນທີ 1 ກໍລະກົດປີນີ້.
ໃນກອງປະຊຸມຄົບຄະນະຂອງລັດຖະບານທີ່ໄຂຂຶ້ນໃນວັນທີ 2 ເມສາ, ທ່ານເວີ່ນເຈຍປາວຊີ້ອອກວ່າ, ການເລືອກຕັ້ງຜູ້ວ່າການເຂດບໍລິຫານພິເສດຮົງກົງເທື່ອນີ້ແມ່ນດຳເນີນຕາມກົດໝາຍ, ສອດຄ່ອງກັບຂໍ້ກຳນົດຂອງກົດໝາຍພື້ນຖານແລະກົດໝາຍທີ່ກ່ຽວຂ້ອງຂອງເຂດພິເສດຮົງກົງ, ໄດ້ສະແດງໃຫ້ເຫັນຫຼັກການທີ່ຍຸດຕິທຳ ເປີດເຜີຍແລະທ່ຽງທຳ. ທ່ານເຈິ່ງອີນສວນໄດ້ຮັບເລືອກຕັ້ງ ໄດ້ສະແດງໃຫ້ເຫັນສັງຄົມຮົງກົງເຊື່ອໝັ້ນແລະຄອງຄອຍທ່ານຢ່າງເຕັມທີ່.
ພາຍຫຼັງໄດ້ຮັບຂ່າວວ່າໄດ້ຮັບການແຕ່ງຕັ້ງແລ້ວ, ທ່ານເຈິ່ງອິນສວນອອກຖະແຫຼງການວ່າ, ຈະພະຍາຍາມສຸດຂີດເພື່ອນຳພາອົງການປົກຄອງເຂດພິເສດ, ຊຸກຍູ້ໃຫ້ຮົງກົງຂຶ້ນສູ່ລະດັບການພັດທະນາອັນໃໝ່, ບໍ່ໃຫ້ລັດຖະບານແລະຊາວຮົງກົງຜິດຫວັງ.
|
