ຈີນພະຍາຍາມເຮັດໃຫ້ຜູ່ເຮັດວຽກການທ່ອງທ່ຽວຊົນນະບົດເພີ່ມຂຶ້ນ3ແສນຄົນຕໍ່ປີ
cri
ຕາມຂ່າວສານຊິນຮວາ,ຫວ່າງມໍ່ໆນີ້,ກະຊວງກະສິກຳຈີນ ກົມທ່ອງທ່ຽວແຫ່ງຊາດຈີນໄດ້ຮ່ວມກັນອອກປະກາດແຈ້ງການກ່ຽວກັບການຊຸກຍູ້ການພັດທະນາການທ່ອງທ່ຽວຊົນນະບົດ,ສະເໜີໃຫ້ເສີມຂະຫຍາຍທ່າແຮງຂອງກະສິກຳແລະການທ່ອງທ່ຽວຢ່າງເຕັມທີ່,ພະຍາຍາມເຮັດໃຫ້ຜູ່ເຮັດວຽກການທ່ອງທ່ຽວຊົນນະບົດເພີ່ມຂຶ້ນຫຼາຍກວ່າ3ແສນຄົນຕໍ່ປີ.
ຕາມແຜນການຂອງກົມທ່ອງທ່ຽວແຫ່ງຊາດຈີນ,ແຕ່ນີ້ຮອດປີ2010,ຈີນຈະສ້າງບ້ານທ່ອງທ່ຽວໃນຊົນນະບົດທີ່ມີເອກະລັກພິເສດໝື່ນກວ່າບ້ານໃຫ້ສຳເລັດ,ໂຄງການທ່ອງທ່ຽວຊົນນະບົດທີ່ມີຢູ່ໃນປັດຈຸບັນກໍຈະໄດ້ຮັບການຍົກລະດັບໃຫ້ສູງຂຶ້ນແລະບູລະນະໃຫ້ສົມບົນຂຶ້ນ.ເມື່ອຄິດສະເລ່ຍຕາມຫົວຄົນ, ຊາວກະສິກອນທີ່ເຮັດວຽກການທ່ອງທ່ຽວຈະມີລາຍໄດ້ສຸດທິເພີ່ມຂຶ້ນ5%ຕໍ່ປີ.
ຢູ່ຊົນນະບົດຈີນມີຫຼາຍແສນບ້ານ,ໃນນັ້ນ,ບ້ານທີ່ມີສີສັນພິເສດພົ້ນເດັ່ນ,ປົກປັກຮັກສາໄດ້ ດີແລະມີຮີດຄອງປະເພນີແລະມໍລະດົກວັດທະນະທຳພື້ນເມືອງອຸດົມສົມບູນນັ້ນ,ຢ່າງໜ້ອຍມີຫຼາຍພັນບ້ານ,ເຊິ່ງມີອະນາຄົດອັນດີໃນການພັດທະນາການທ່ອງທ່ຽວ.
|
|