|
|
 |
| (GMT+08:00)
2007-04-06 15:46:07
|
 |
|
ຈີນເພີ່ມທະວີການປົກປ້ອງສິດຊັບສິນທາງປັນຍາດ້ວຍກົດໝາຍອາຍາ
cri
ຕາມຂ່າວCRI,ວັນທີ5ເມສານີ້,ສານປະຊາຊົນສູງສຸດແລະອົງການໄອຍະການປະຊາຊົນສູງສຸດຂອງຈີນໄດ້ຮ່ວມກັນເຜີຍແຜ່ການຕີຄວາມໝາຍຂອງກົດໝາຍກ່ຽວກັບການຊຳລະຄະດີອາຍາລ່ວງລະເມີດສິດຊັບສິນທາງປັນຍາສະບັບໃໝ່,ເພື່ອເພີ່ມທະວີການປົກປ້ອງສິດຊັບສິນທາງປັນຍາດ້ວຍກົດໝາຍ ຕື່ມອີກ.ການຕີຄວາມໝາຍດັ່ງກ່າວຈະປະກາດໃຊ້ແຕ່ວັນທີ5ເມສານີ້ເປັນຕົ້ນໄປ.
ຕາມການຕີຄວາມໝາຍຂອງກົດໝາຍ ສະບັບໃໝ່,ໂດຍມີຈຸດປະສົງເພື່ອຫາຜົນກຳໄລແລະບໍ່ໄດ້ຮັບອະນຸຍາດຈາກເຈົ້າຂອງລິຂະສິດ,ຖ້າກັອບປີບົດປະພັນ,ດົນຕີ,ຮູບເງົາ,ໂທລະພາບ,ວິດີໂອ ຊອບແວຄອມພິວເຕີພ້ອມດ້ວຍຜົນງານອື່ນໆຂອງເຈົ້າຂອງລິຂະສິດເປັນຈຳນວນ500ສະບັບຂຶ້ນໄປ,ຜູ່ກ່ຽວຈະຖືກຕັດສິນກັກຂັງຫຼືຕັດອິດສະຫຼະພາບບໍ່ເກີນ3ປີ,ກັອບປີ2500ສະບັບຂຶ້ນໄປ,ຈະຖືກຕັດສິນຕັດອິດສະຫຼະພາບ3ຮອດ7ປີ.
ສອງຈຳນວນດັ່ງກ່າວທີ່ຖືກຕັດສິນໂທດລ່ວງລະເມີດສິດຊັບສິນທາງປັນຍາທີ່ກຳນົດໄວ້ໃນການຕີຄວາມໝາຍຂອງກົດໝາຍ ສະບັບໃໝ່,ເມື່ອທຽບກັບການຕີຄວາມໝາຍຂອງກົດໝາຍສະບັບປີ2004ແລ້ວຍິ່ງເຄັ່ງຄັດກວ່າເກົ່າ,ຄືຈຳນວນຂອງການກັອບປີໄດ້ຖືກຫຼຸດລົງເຄິ່ງໜຶ່ງ.
|
|
|
