|
|
 |
| (GMT+08:00)
2007-04-06 16:30:42
|
 |
|
ຈີນຍິນດີເພີ່ມທະວີການຮ່ວມມືກັບຍີ່ປຸ່ນໃນຂົງເຂດປົກປ້ອງສິດຊັບສິນທາງປັນຍາ
cri
Author: MO
ຕາມຂ່າວສານຊີນຮວາ: ວັນທີ 6 ເມສານີ້ຢູ່ທີ່ປັກກິ່ງ, ທ່ານລູເຄີ້ຈຽນ ຫົວໜ້າກົມອາຊີຂອງກະຊວງການຄ້າຈີນກ່າວວ່າ, ຈີນຍິນດີສືບຕໍ່ເພີ່ມທະວີການແລກປ່ຽນແລະຮ່ວມມືກັບຍີ່ປຸ່ນໃນຂົງເຂດປົກປ້ອງສິດຊັບສິນທາງປັນຍາ, ສືບຕໍ່ຊຸກຍູ້ວຽກງານປົກປ້ອງສິດຊັບສິນທາງປັນຍາຢ່າງຕັ້ງໜ້າດ້ວຍທ່າທີ່ຮັບຜິດຊອບ.
ທ່ານລູເຄີ້ຈຽນເວົ້າວ່າ, ໜ່ວຍງານປົກປ້ອງສິດຊັບສິນທາງປັນຍາແຫ່ງຊາດຈີນຈະພ້ອມກັນກັບພະແນກທີ່ກ່ຽວຂ້ອງຂອງຈີນ, ພ້ອມກັນສ້າງກົນໄກແລກປ່ຽນແລະປະສານງານເປັນປະຈຳກັບວິສາຫະກິດທຶນຕ່າງປະເທດເຊິ່ງລວມທັງວິສາຫະກິດຍີ່ປຸ່ນ, ສະໜອງຊ່ອງທາງທີ່ສະແດງຄວາມເຫັນຢ່າງເຕັມສ່ວນໃຫ້ເຈົ້າຂອງລິຂະສິດຊັບສິນທາງປັນຍາຂອງປະເທດຕ່າງໆ.
ທ່ານລູເຄີ້ຈຽນເວົ້າວ່າ, ການປົກປ້ອງສິດຊັບສິນທາງປັນຍາຢ່າງສົມເຫດສົມຜົນແລະບັງເກີດຜົນແມ່ນບັນຫາທົ່ວໂລກ. ເພື່ອດຳເນີນວຽກງານຢ່າງບັງເກີດຜົນ, ຈີນໄດ້ດຳເນີນການແລກປ່ຽນແລະຮ່ວມມືໃນດ້ານການປົກປ້ອງສິດຊັບສິນທາງປັນຍາດ້ວຍຫຼາຍຮູບການກັບປະເທດແລະເຂດແຄວ້ນຕ່າງໆເຊັ່ນອາເມລິກາ ສ.ເກົາຫຼີ ເບຼຊິນ ແລະແມັກຊິກເປັນຕົ້ນ.
|
|
|
