ອົງການຊອກຫາກອບກູ້ເທິງທະເລຂອງຈີນໄດ້ກອບກູ້ຊາວປະມົງຫວຽດນາມຜູ້ໜຶ່ງຢູ່ພາກກາງໄປຕາເວັນອອກຂອງທະເລຈີນໃຕ້
cri
Author: MO
ຕາມຂ່າວສານຈີນ: ຫວ່າງມໍ່ໆນີ້, ຢູ່ພາກກາງໄປຕາເວັນອອກຂອງທະເລຈີນໃຕ້, ອົງການຊອກຫາກອບກູ້ເທິງທະເລຂອງຈີນພາຍຫຼັງໄດ້ຊອກຫາ6 ຊົ່ວໂມງແລ້ວ ໄດ້ກອບກູ້ຊາວປະມົງສັນຊາດຫວຽດນາມທີ່ບາດເຈັບໜັກຜູ້ໜຶ່ງຢ່າງສຳເລັດຜົນ.
ວັນທີ 7 ເມສານີ້, ພະນັກງານຍາມຂອງສູນກອບກູ້ເທິງທະເລຈີນເວົ້າຕໍ່ນັກຂ່າວວ່າ, ຕອນຮຸ່ງເຊົ້າວັນທີ 6 ເມສານີ້, ສູນດັ່ງກ່າວໄດ້ຮັບໂທລະເລກທີ່ສະຖານທູດຈີນປະຈຳຫວຽດນາມໂດຍຜ່ານກົມກົງສູນຂອງກະຊວງການຕ່າງປະເທດຈີນ, ໂດຍຂຽນວ່າ, ຊາວປະມົງຜູ້ໜຶ່ງໃນເຮືອຫາປາຫວຽດນາມໄດ້ບາດເຈັບໜັກຢູ່ເຂດທະເລພາກກາງໄປຕາເວັນອອກຂອງທະເລຈີນໄຕ້, ສະພາບອັນຕະລາຍທີ່ສຸດ, ຂໍຄວາມຊ່ອຍເຫຼືອ. ເມື່ອໄດ້ຮັບຂ່າວແລ້ວ, ສູນກອບກູ້ເທິງທະເລຈີນທີ່ປະສານວຽກງານໃຫ້ກອງບໍລິການການບິນອົງການປົກຄອງຮົງກົງສົ່ງຍົນໄປກອບກູ້ຢ່າງວ່ອງໄວ, ປັດຈຸບັນ, ຊີວິດຂອງຊາວປະມົງຜູ້ນີ້ໄດ້ພົ້ນຈາກຄວາມອັນຕະລາຍແລ້ວ.
|
|