ຕາມ​ຂ່າວສານ​ຊິນ​ຮວາ:ກອງ​ປະຊຸມອະທິ​ໄອ​ຍະ​ການ​ຈີນ​ກັບ​ປະ​ເທດ​ສະມາຊິກອາຊ​ຽນຄັ້ງ​ທີ4​ຈະຈັດ​ຂຶ້ນ​ຢູ່​ເຂດ​ມາ​ກາວ​ຂອງ​ຈີນ​ແຕ່​ວັນ​ທີ10​ຫາ​ວັນ​ທີ11​ເມ​ສາ​ນີ້. ຫົວ​ຂໍ້​ຂອງກອງປະຊຸມ​ຄັ້ງ​ນີ້​ແມ່ນ"ຮ່ວມ​ມືຕໍ່ຕ້ານ​ອາ​ຊະ​ຍາ​ກຳຂ້າ​ມຊາດ".

ອົງການ​ໄອ​ຍະ​ການ​ເຂດ​ພິ​ເສດມາ​ກາວ​ເຊິ່ງ​ເປັນ​ຜູ້​ຈັດກອງ​ປະຊຸມ​ຄັ້ງ​ນີ້​ກ່າວ​ວ່າ,ຫວັງ​ວ່າ​ກອງ​ປະຊຸມ​ຄັ້ງ​ນີ້,ຈະຊຸກ​ຍູ້​ການ​ແລກປ່ຽນ​ແລະ​ການ​ຮ່ວມ​ມື​ລະຫວ່າງ​ອົງການ​ໄອ​ຍະ​ການ​ຂອງ​ປະ​ເທດ​ຕ່າງໆຂອງ​ອາ​ຊຽນ,ຊອກ​ຊ່ອງ​ທາງຮ່ວມ​ມື​ທີ່​ມີປະສິດທິ​ພາບ​ສູງ​ແລະ​ສະດວກ​​ເພື່ອ​ຕໍ່ຕ້ານ​ອາ​ຊະ​ຍາ​ກຳ​ຂ້າ​ມຊາດ,ຊຸກ​ຍູ້​ການ​ແລ​ກປ່ຽນ​ແລະ​ການ​ຮ່ວມ​ມື​ໃນ​ຂົງ​ເຂດ​ຍຸດຕິ​ທຳ​ລະ​ຫວ່າງ​ເຂດ​ແຄວ້ນ​ແລະ​ລະຫວ່າງ​ຊາດ​ຕື່ມ​ອີກ.

ກອງ​ປະຊຸມອະທິ​ໄອ​ຍະ​ການ​ຈີນ​ກັບ​ປະ​ເທດ​ສະມາຊິກອາຊ​ຽນ​ເລິ່ມຈັດ​ຂຶ້ນ​ແຕ່​ປີ2004,​ ​ຮົງ​ກົງ​ແລະ​ມາ​ກາວ ​ສ​ອງ​ເຂດບໍ​ລິ​ຫານ​ພິ​ເສດໄດ້​ເຂົ້າ​ຮ່ວມ​ກອງ​ປະຊຸມ ​ໃນ​ຖານະ​ເປັນ​ສະມາຊິກ​ຂອງ​ຄະນະ​ຜູ້​ແທນ​ຈີນ​.ຈຸດປະສົງ​ຂອງ​ກອງ​ປະຊຸມ​ແມ່ນ​ເພິ່ມທະວີ​ການ​ແລກ​ປ່ຽນ​ແລະ​ການ​ຮ່ວມ​ມື​ລະຫວ່າງ​ອົງການ​​ໄອ​ຍະ​ການ​ຂອງ​ຈີນ​ແລະ​ບັນດາ​ປະ​ເທດ​ອາຊ​ຽນ.