|
ຕາມຂ່າວສານຊິນຮວາ:ວັນທີ10ເມສານີ້,ກອງປະຊຸມລັດຖະມົນຕີກະສິກຂອງອະນຸພາກພື້ນແມ່ນ້ຳຂອງຄັ້ງປະຖົມມະເລີກໄດ້ຈັດຂຶ້ນຢູ່ທີ່ປັກກິ່ງ. ທ່ານຮວ້າຈ້ຽນໝິນ ທີ່ປຶກສາແຫ່ງລັດ ທັງເປັນເລຂາທິການລັດຖະບານຈີນໄດ້ເຂົ້າຮ່ວມພິທີໄຂກອງປະຊຸມແລະກ່າວຄຳປາໄສ, ຫວັງໃຫ້ປະເທດຕ່າງໆໃນອະນຸພາກພື້ນແມ່ນ້ຳຂອງຈົ່ງເພິ່ມທະວີການຮ່ວມມືໃນດ້ານກະສິກຳ, ພ້ອມກັນສ້າງອະນາຄົດອັນດີງາມຂອງການຮ່ວມມືໃນພາກພື້ນ.
ທ່ານຮວ້າຈ້ຽນໝິນກ່າວວ່າ,ນັບແຕ່ກົນໄກຮ່ວມມືເສດຖະກິດຂອງອະນຸພາກພື້ນແມ່ນ້ຳຂອງສ້າງຂຶ້ນ15ປີມານີ້,ລັດຖະບານຈີນໄດ້ເອົາໃຈໃສ່ໃນລະດັບສູງແລະໄດ້ເຂົ້າຮ່ວມການຮ່ວມມືໃນຂົງເຂດຕ່າງໆຂອງອະນຸພາກພື້ນແມ່ນ້ຳຂອງ.ໃນຂົງເຂດກະສິກຳ,ໄດ້ດຳເນີນການແລກປ່ຽນແລະການຮ່ວມມືຢ່າງກວ້າງຂວາງກັບປະເທດສະມາຊິກຕ່າງໆໃນຂົງເຂດສຳຄັນຕ່າງໆ,ເຊັ່ນ,ການເຜີຍແຜ່ເຕັກນິກກະສິກຳ,ການພັດທະນາຊັບພະຍາກອນມະນຸດ,ການຊົມໃຊ້ຂໍ້ມູນຂ່າວສານຮ່ວມກັນ,ການຊຸກຍູ້ການຄ້າແລະການປ້ອງກັນຄວບຄຸມພະຍາດສັດເປັນຕົ້ນ,ເຮັດໃຫ້ປະຊາກອນທຸກຍາກຈຳນວນຫຼວງຫຼາຍໄດ້ຮັບຜົນປະໂຫຍດ.ຈີນຍິນດີພ້ອມກັນກັບປະເທດຕ່າງໆຂອງອະນຸພາກພື້ນ,ທຳຄວາມພະຍາຍາມຢ່າງບໍ່ລົດລະເພື່ອລົງເລິກການຮ່ວມມືກະສິກຳຂອງອະນຸພາກພື້ນ,ຊຸກຍູ້ອະນຸພາກພື້ນໃຫ້ພັດທະນາແລະຈະເລີນຮຸ່ງເຮືອງ.
ກອງປະຊຸມລັດຖະມົນຕີກະສິກຳອະນຸພາກພື້ນແມ່ນ້ຳຂອງຈັດຂຶ້ນໂດຍກະຊວງກະສິກຳແລະທະນາຄານພັດທະນາອາຊີຫຼືADB.ລັດຖະມົນຕີວ່າການກະຊວງກະສິກຳຂອງລາວ,ກຳປູເຈຍ,ມຽນມາ,ໄທ,ຫວຽດນາມ,ແລະຈີນ,ພ້ອມທັງຜູ້ຕາງໜ້າຂອງທະນາຄານພັດທະນາອາຊີແລະອົງການທີ່ກ່ຽວຂ້ອງໄດ້ເຂົ້າຮ່ວມກອງປະຊຸມດັ່ງກ່າວ.
|
