|
|
 |
| (GMT+08:00)
2007-04-14 20:03:35
|
 |
|
ຈີນຈະຈັດເອົາຕົວເລກຄາດໝາຍການອະນຸລັກສິ່ງແວດລ້ອມແລະການສີ້ນເປືອງພະລັງງານເຂົ້າໃນຂອບເຂດສຳຫຼວດກວດກາວິສາຫະກິດການຄ້າປຸງແຕ່ງ
cri
Author: MO
ຕາມຂ່າວສານຊີນຮວາ: ຫວ່າງມໍ່ໆນີ້, ກະຊວງການຄ້າຈີນໄດ້ປະກາດເອກະສານຮຽກຮ້ອງໃຫ້ເພີ່ມທະວີການຄຸ້ມຄອງຕໍ່ວິສາຫະກິດການຄ້າປຸງແຕ່ງ, ແລະຈັດເອົາຕົວເລກຄາດໝາຍການອະນຸລັກສິ່ງແວດລ້ອມ ການສິ້ນເປືອງພະລັງງານ ແລະລະດັບຂອງເຄື່ອງປະກອບເປັນຕົ້ນເຂົ້ນໃນຂອບເຂດສຳຫຼວດກວດກາສະພາບການທຸລະກິດແລະຄວາມສາມາດຜະລິດຂອງວິສາຫະກິດການຄ້າປຸງແຕ່ງ.
ກະຊວງການຄ້າຈີນຮຽກຮ້ອງວ່າ, ວິສາຫະກິດທີ່ບໍ່ໄດ້ມາດຖານໃນດ້ານອະນຸລັກສິ່ງແວດລ້ອມແລະການສິ້ນເປືອງພະລັງງານຫຼືເກີດເຫດການໜ້າທີ່ຮັບຜິດຊອບດ້ານສິ່ງແວດລ້ອມນັ້ນ, ບໍ່ໃຫ້ດຳເນີນທຸລະກິດການຄ້າປຸງແຕ່ງ; ວິສາຫະກິດປຸງແຕ່ງບໍ່ໃຫ້ໃຊ້ເຄື່ອງຈັກເຄື່ອງປະກອບການຜະລິດທີ່ຫຼ້າຫຼັງທີ່ຈີນເຊົາໃຊ້ແລ້ວນັ້ນ.
ປີ 2006, ຍອດມູນຄ່າຂາເຂົ້າຂາອອກຂອງການຄ້າປຸງແຕ່ງຂອງຈີນໄດ້ບັນລຸເຖິງ 830 ກວ່າຕື້ໂດລາ, ມາດຕາສ່ວນຂອງການຄ້າປຸງແຕ່ງກວມ 48,6% ຂອງການຄ້າກັບຕ່າງປະເທດຂອງຈີນ.
ການຄ້າປຸງແຕ່ງໝາຍເຖິງການນຳເຂົ້າວັດຖຸດິບຫຼືຊິ້ນສ່ວນ, ແລ້ວນຳໃຊ້ຄວາມສາມາດແລະເຕັກນິກການຜະລິດຂອງປະເທດຕົນປຸງແຕ່ງເປັນຜະລິດຕະພັນສຳເລັດຮູບແລ້ວສົ່ງອອກຕ່າງປະເທດ.
|
|
|
