|
ທ່ານຫູຈິນທ່າວກ່າວເນັ້ນວ່າຕ້ອງຊ່ອຍໃຫ້ຊີວິດການເປັນຢູ່ຂອງມວນຊົນຜູ້ທຸກຍາກເຫຼືອຢູ່ເຫຼືອກິນໂດຍໄວ
cri
Author: mo
ຕາມຂ່າວສານຊີນຮວາ: ຫວ່າງມໍ່ໆນີ້, ໃນເວລາໄປກວດການຢູ່ເຂດນິງເຊ້ຍ ພາກຕາເວັນຕົກຂອງຈີນ, ທ່ານຫູຈິນທ່າວ ປະທານປະເທດຈີນກ່າວເນັ້ນວ່າ, ອົງການປົກຄອງທຸກຂັ້ນຂອງຈີນຕ້ອງຊ່ອຍໃຫ້ຊີວິດການເປັນຢູ່ຂອງມວນຊົນຜູ້ທຸກຍາກໃນຊົນນະບົດເຫຼືອຢູ່ເຫຼືອກິນໂດຍໄວ.
ໃນໄລຍະຢູ່ເຂດນິງເຊ້ຍ, ທ່ານຫູຈິນທ່າວໄດ້ໄປສຳຫຼວດເຂດສີ່ຫາຍກູ້ ເຂດຈຸດໜັກທີ່ຈະຊ່ອຍໃຫ້ຫຼຸດຄວາມທຸກຍາກຂອງຈີນໂດຍສະເພາະ, ທ່ານໄດ້ຢາມທຸກບ້ານທຸກຄອບຄົວ, ແລກປ່ຽນຄວາມເຫັນກັບມວນຊົນທ້ອງຖິ່ນຢ່າງກວ້າງຂວາງ. ທ່ານຮຽກຮ້ອງໃຫ້ແຫ່ງຕ່າງໆສືບຕໍ່ຊ່ອຍເຫຼືອຄອບຄົວທຸກຍາກແບບບຸກເບີກພັດທະນາ, ໃຊ້ທຶນຫຼາຍກວ່າເກົ່າສະໜັບສະໜູນຊົນນະບົດພັດທະນາເສດຖະກິດສັງຄົມ, ແລະຊ່ອຍປົວແປງຊີວິດການເປັນຢູ່ຂອງປະຊາຊົນ, ພະຍາຍາມສຸດຂີດເລັ່ງລັດພັດທະນາເຂດທຸກຍາກ.
ໃນເວລາກ່າວເຖິງການສ້າງສາຊີວະຊາດນັ້ນ, ທ່ານຫູຈິນທ່າວກ່າວວ່າ, ເຂດພາກຕາເວັນຕົກຕ້ອງຍຶດໝັ້ນຖືການອະນຸລັກແລະສ້າງສາສິ່ງແວດລ້ອມຊີວະພາບເປັນເລື່ອງໃຫຍ່ທີ່ສຳຄັນທີ່ມີຜົນປະໂຫຍດຕໍ່ປະຈຸບັນແລະເຊັ່ນລູກຫຼານ, ເຮັດໃຫ້ສິ່ງແວດລ້ອມຊີວະພາບດີຂຶ້ນເລື້ອຍໆ.
|
|
