|
ຝ່າຍຕ່າງໆທີ່ກ່ຽວຂ້ອງກັບການເຈລະຈາ 6 ຝ່າຍພວມທຳຄວາມພະຍາຍາມເພື່ອປະຕິບັດເອກະສານຮ່ວມ13ກຸມພາ
cri
Author: mo
ຕາມຂ່າວCRI：ວັນທີ 17 ເມສານີ້, ຢູ່ທີ່ປັກກິ່ງ, ທ່ານລິວຈ້ຽນຊ່າວ ໂຄສົກກະຊວງການຕ່າງປະເທດຈີນກ່າວວ່າ, ເພື່ອປະຕິບັດເອກະສານຮ່ວມ 13 ກຸມພາໂດຍໄວ, ຝ່າຍຕ່າງໆທີ່ກ່ຽວຂ້ອງກັບການເຈລະຈາ 6 ຝ່າຍກ່ຽວກັບບັນຫານິວເຄຼຍແຫຼມເກົາຫຼີພວມຂ້ຽວປຶກສາຫາລືກັນແລະທຳຄວາມພະຍາຍາມຢ່າງຕັ້ງໜ້າ.
ໃນກອງປະຊຸມນັກຂ່າວທີ່ຈັດຂຶ້ນປະຈຳ, ທ່ານລີວຈ້ຽນຊ່າວກ່າວວ່າ, ຕໍ່ການແກ້ໄຂບັນຫາເງິນຝາກທະນາຄານບັງໂຄ ເດັນທາ ອາຊີຂອງສປປເກົາຫຼີນັ້ນ, ຝ່າຍຕ່າງໆໄດ້ມີຄວາມເຫັນໃກ້ກັນແລ້ວ.
ທ່ານລີວຈ້ຽນຊ່າວກ່າວວ່າ, ຝ່າຍຈີນຈະເຮັດຄືແຕ່ເກົ່າເມືອຫຼັງຮັກສາການປຶກສາຫາລື ແລກປ່ຽນຄວາມເຫັນແລະປະສານງານກັບຝ່າຍທີ່ກ່ຽວຂ້ອງ, ທຳຄວາມພະຍາຍາມເພື່ອຊຸກຍູ້ໃຫ້ຂະບວນວິວັດການເຈລະຈາ 6 ຝ່າຍກ້າວໄປໜ້າຢ່າງບໍ່ຢຸດຢັ້ງ.
ກອງປະຊຸມໄລຍະທີສາມຂອງການເຈລະຈາ 6 ຝ່າຍຮອບ 5 ກ່ຽວກັບບັນຫານິວເຄຼຍແຫຼມເກົາຫລີໄດ້ປະກາດເອກະສານຮ່ວມໃນວັນທີ 13 ກຸມພານີ້, 6ຝ່າຍເຫັນດີໃຊ້ບາດກ້າວທີ່ປະສານງານເປັນເອກະສັນກັນ, ປະຕິບັດຖະແຫຼງການຮ່ວມທີ່ຜ່ານໃນການເຈລະຈາ 6 ຝ່າຍຮອບ 4 ໂດຍແບ່ງເປັນໄລຍະ.
|
|
