|
ທ່ານລີຈ້າວຊິງຝາກໂທລະເລກໄປຍັງນາງໄລສ໌ສະແດງຄວາມເຫັນໃຈກ່ຽວກັບເຫດການຍິງກັນໃນເດີ່ນໂຮງຮຽນມະຫາວິທະຍາໄລອາເມລິກາ
cri
Author: mo
ຕາມຂ່າວCRI: ວັນທີ 17 ເມສານີ້, ທ່ານລິຈ້າວຊິງ ລັດຖະມົນຕີວ່າການກະຊວງການຕ່າງປະເທດຈີນໄດ້ສົ່ງໂທລະເລກໄປຍັງນາງຄອນໂດລີຊາ ໄລສ໌ ລັດຖະມົນຕີວ່າການກະຊວງການຕ່າງປະເທດອາເມລິກາສະແດງຄວາມເຫັນໃຈກ່ຽວກັບມະຫາລິທະຍາໄລວິທະຍາສາດການຊ່າງເວີຈິນເນຍອາເມລິກາເກີດເຫດການຍິງກັນຢ່າງຮ້າຍແຮງ.
ໂທລະເລກຂຽນວ່າ, ເມື່ອໄດ້ຊາບວ່າ: ມະຫາລິທະຍາໄລວິທະຍາສາດການຊ່າງເວີຈິນເນຍອາເມລິກາເກີດເຫດການຍິງກັນຢ່າງຮ້າຍແຮງ, ແລະມີຜູ້ເສຍຊີວິດແລະບາດເຈັບຢ່າງຫຼວງຫຼາຍນັ້ນ, ຂ້າພະເຈົ້າຮູ້ສຶກຕື່ນຕົກໃຈຫຼາຍ, ແລະກ່າວປະນາມຕໍ່ການກະທຳດ້ວຍກຳລັງຮຸນແຮງດັ່ງກ່າວ. ຂ້າພະເຈົ້າຂໍຕາງໜ້າລັດຖະບານແລະປະຊາຊົນຈີນສະແດງຄວາມໄວ້ອາໄລຢ່າງເສົ້າສະຫຼົດໃຈຕໍ່ຜູ້ປະສົບເຄາະຮ້າຍ, ແລະສະແດງຄວາມເຫັນໃຈຢ່າງສຸດເຊິ່ງຕໍ່ລັດຖະບານແລະປະຊາຊົນອາເມລິກາໂດຍສະເພາະແມ່ນຕໍ່ຜູ້ບາດເຈັບແລະຄອບຄົວຂອງຜູ້ປະສົບເຄາະຮ້າຍ, ແລະຂໍໃຫ້ຜູ້ບາດເຈັບຈົ່ງຟື້ນຟູສຸຂະພາບໂດຍໄວ.
ມື້ດຽວກັນ, ໂດຍແນ່ໃສ່ຂ່າວທີ່ຊ່າລືກັນວ່າ"ຜູ້ຍິງປືນອາດຈະແມ່ນນັກສຶກສາຈີນ"ນັ້ນ, ທ່ານລິວຈ້ຽນຊ່າວ ໂຄສົກກະຊວງການຕ່າງປະເທດຈີນກ່າວຄຳວິຈານວ່າ, ຝ່າຍຈີນໄດ້ເອົາໃຈໃສ່ເຖິງການແຈ້ງຂ່າວທີ່ກ່ຽວຂ້ອງແລ້ວ, ຕາມຊາບວ່າ, ສະພາບແທ້ຈິງຍັງພວມສຳຫຼວດຢູ່.
|
|
