|
ທ່ານຫູຈີນທາວ ປະທານປະເທດຈີນຝາກໂທລະເລກໄປຍັງທ່ານບຸສ ປະທານາທິບໍດີອາເມລິກາສະແດງຄວາມເຫັນໃຈນຳເລື່ອງມະຫາວິທະຍາໄລອາເມລິກາເກີດເຫດການຍິງຄົນຕາຍ
cri
Author: m
ຕາມຂ່າວ CRI: ວັນທີ 18 ເມສານີ້, ທ່ານຫູຈີນທາວ ປະທານປະເທດຈີນໄດ້ຝາກໂທລະເລກໄປຍັງທ່ານບຸສ ປະທານາທິບໍດີອາເມລິກາສະແດງຄວາມເຫັນໃຈນຳເລື່ອງໃນມະຫາວິທະຍາໄລອາເມລິກາເກີດເຫດການຮ້າຍແຮງຍິງຄົນຕາຍຫຼາຍຄົນ.
ໃນໂທລະເລກ, ທ່ານຫູຈີນທາວເວົ້າວ່າ, ໄດ້ຊາບຂ່າວດ້ວຍຄວາມຕື່ນຕົກໃຈວ່າມະຫາວິທະຍາໄລວິທະຍາສາດການຊ່າງເວີຈີນເນຍອາມເມລິກາໄດ້ເກີດເຫດການຮ້າຍແຮງທີ່ຍິງຄົນຕາຍ. ໃນກາລະທີ່ເສົ້າສະຫຼົດໃຈນີ້, ຂ້າພະເຈົ້າຂໍຕາງໜ້າລັດຖະບານແລະປະຊາຊົນຈີນ, ແລະໃນນາມຂອງຂ້າພະເຈົ້າເອງ, ຂໍສະແດງຄວາມເຫັນໃຈຢ່າງເລິກເຊິ່ງແລະຖາມຂ່າວດ້ວຍຄວາມຈິງໃຈຕໍ່ພະນະທ່ານ, ລັດຖະບານແລະປະຊາຊົນອາເມລິກາ, ສະແດງຄວາມໄວ້ອາໄລດ້ວຍຄວາມເສົ້າສະຫຼົດໃຈຕໍ່ຜູ້ປະສົບເຄາະຮ້າຍ, ແລະຂໍໃຫ້ຜູ້ບາດເຈັບຈົ່ງປົວດີໂດຍໄວ.
ມື້ດຽວກັນ, ທ່ານລິວຈ້ຽນຊ່າວ ໂຄສົກກະຊວງການຕ່າງປະເທດຈີນກ່າວວ່າ, ລາຍງານຂ່າວບໍ່ຖືກກັບຄວາມຈິງກ່ຽວກັບເຫດການຍິງຄົນຕາຍດັ່ງກ່າວສື່ມວນຊົນຈຳນວນໜຶ່ງຂອງອາເມລິກາແລະປະເທດສ່ວນໜຶ່ງແມ່ນຝ່າຝືນຈັນຍຳທຳຂອງອາຊີບນັກຂ່າວ, ແມ່ນການກະທຳທີ່ຜິດພາດທີ່ສຸດ. ຝ່າຍຈີນໄດ້ຮຽກຮ້ອງໃຫ້ຝ່າຍທີ່ກ່ຽວຂ້ອງລົບລ້າງຜົນສະທ້ອນອັນຮ້າຍແຮງໃນເລື່ອງນີ້.
|
|
