|
ໃນ 2 ເດືອນຕົ້ນປີນີ້, ຜູ້ຜ່ານແດນມາຈີນມີເກືອບ 20 ລ້ານເທື່ອຄົນ
cri
Author: MO
ຕາມຂ່າວCRI: ວັນທີ 19 ເມສານີ້, ຢູ່ເມືອງຊູໂຈວ ພາກຕາເວັນອອກຂອງຈີນ, ທ່ານລິວເຄີ້ຈື້ ເຈົ້າໜ້າທີ່ກົມທ່ອງທ່ຽວແຫ່ງຊາດຈີນເຜີຍໃຫ້ຮູ້ວ່າ, ໃນ 2 ເດືອນຕົ້ນປີນີ້, ຜູ້ຜ່ານແດນເຂົ້າມາຈີນມີເກືອບ 20 ລ້ານເທື່ອຄົນ, ເພິ່ມຂຶ້ນຫຼາຍກວ່າໄລຍະດຽວກັນຂອງປີກາຍ 4,5%, ລາຍໄດ້ເງິນຕາຕ່າງປະເທດຂອງການທ່ອງທ່ຽງໄດ້ບັນລຸ 5 ຕື້ 100 ລ້ານໂດລາ.
ທ່ານລິວເຄີ້ຈື້ຍັງເຜີຍໃຫ້ຮູ້ວ່າ, ໃນ 2 ເດືອນຕົ້ນປີນີ້, ຜູ້ອອກໄປຕ່າງປະເທດມີເກືອບ 6 ລ້ານ 6 ແສນເທື່ອຄົນ, ເພີ່ມຂຶ້ນຫຼາຍກວ່າໄລຍະດຽວກັນຂອງປີກາຍ 15% ຂຶ້ນໄປ.
ຕາມອົງການຈັດຕັ້ງສາກົນທີ່ກ່ຽວຂ້ອງຄາດວ່າ, ໃນປີ 2020, ຈີນຈະກາຍເປັນປະເທດປາຍທາງການທ່ອງທ່ຽວໃຫຍ່ກວ່າໝູ່ໃນໂລກ, ເປັນແຫຼ່ງນັກທ່ອງທ່ຽວຫຼາຍທີ 4 ໃນໂລກ.
|
|
