|
|
 |
| (GMT+08:00)
2007-04-19 19:56:52
|
 |
|
ຈີນຈະເຮັດຄືແຕ່ເກົ່າເມືອຫຼັງຊຸກຍູ້ວຽກງານປົກປ້ອງສິດຊັບສິນທາງປັນຍາ
cri
Author: mo
ຕາມຂ່າວCRI：ວັນທີ 19 ເມສານີ້, ຢູ່ທີ່ປັກກິ່ງ, ໃນເວລາພົບປະແຂກອາເມລິການັ້ນ, ທ່ານນາງອູອີ ຮອງນາຍົກລັດຖະມົນຕີຈີນກ່າວວ່າ, ການປົກປ້ອງສິດຊັບສິນທາງປັນຍາແມ່ນຄວາມຕ້ອງການຂອງຈີນໃນການພັດທະນາຕົນເອງແລະຍົກຄວາມສາມາດປະດິດສ້າງຂອງຕົນໃຫ້ສູງຂື້ນ, ລັດຖະບານຈີນຈະເຮັດຄືແຕ່ເກົ່າເມືອຫຼັງຊຸກຍູ້ວຽກງານທາງດ້ານນີ້.
ໃນເວລາພົບປະທ່ານລີຊາດ ວາໂກເນີ ປະທານຄະນະບໍລິຫານຂອງບໍລິສັດລົນຍົນGMອາເມລິກາແລະທ່ານບິວ ເກສ໌ ປະທານຄະນະບໍລິຫານຂອງບໍລິສັດມາຍໂຄຼຊອຟນັ້ນ, ທ່ານນາງອູອີກ່າວເນັ້ນວ່າ, ການພັດທະນາທຸລະກິດຢ່າງສຳເລັດຜົນຂອງບໍລິສັດGMແລະບໍລິສັດມາຍໂຄຼຊອຟຢູ່ຈີນໄດ້ພິສູດຢ່າງເຕັມສ່ວນວ່າ, ການພົວພັນລະຫວ່າງຈີນກັບອາເມລິກາແມ່ນຕ່າງຝ່າຍຕ່າງໄດ້ຮັບຜົນປະໂຫຍດ.
ຄຽງຄູ່ກັບເສດຖະກິດຈີນພັດທະນາຢ່າງສືບເນື່ອງ, ອະນາຄົດການຮ່ວມມືໃນຂົງເຂດເສດຖະກິດການຄ້າຈີນອາເມລິກາກໍຈະກວ້າງອອກກວ່າເກົ່າ.
ທ່ານວາໂກເນີແລະທ່ານເກສ໌ກ່າວວ່າ, ຄວາມພະຍາຍາມແລະການຄືບໜ້າຂອງລັດຖະບານຈີນໃນດ້ານເພີ່ມທະວີການປົກປ້ອງສິດຊັບສິນທາງປັນຍາແມ່ນບໍ່ເຄີຍມີມາກ່ອນ, ໂດຍສະເພາະແມ່ນມາດຕະການປະດິດສ້າງບາງຢ່າງແມ່ນເປັນໜ້າຍ້ອງຍໍ. ທ່ານທັງສອງກ່າວວ່າ, ບໍລິສັດGMແລະບໍລິສັດມາຍໂຄຼຊອຟຍິນດີເພີ່ມທະວີການຮ່ວມມືກັບລັດຖະບານແລະວິສາຫະກິດຈີນ, ທຳຄວາມພະຍາຍາມເພື່ອຊຸກຍູ້ໃຫ້ການພົວພັນເສດຖະກິດການຄ້າຈີນອາເມລິກາຂະຫຍາຍອອກ.
|
|
|
