ຕາມ​ຂ່າວCRI:ວັນ​ທີ21​ເມສາ​ນີ້,ທ່ານ​ອູ​ປາ​ກົວ ປະທານສະພາ​ປະ​ຊາ​ຊົນ​​ແຫ່ງ​ຊາດ​ຈີນກ່າວ​ວ່າ,ຈີນ​ຍິນ​ດີ​ສືບ​ຕໍ່ອີງ​ໃສ່​ທິດ​ທາງ"ມີ​ໄມ​ຕີ​ຈິດ​ຕໍ່​ປະ​ເທດ​ໃກ້​ຄຽງ​ແ​ລະຖື​ປະ​ເທດ​ໃກ້​ຄຽງ​ເປັນ​ເພື່ອນ",ພ້ອມ​ກັນ​ກັບຟິລິບປິນທຳ​ຄວາມ​ພະຍາ​ຍາມຊຸກ​ຍູ້ການພົວ​ພັນລະ​ຫວ່າງສອງປະ​ເທດ​ໃຫ້ກ້າວ​ໄປໜ້າບົນ​ພື້ນຖານສະ​ເໝີພາບ​ຕ່າງໄວ້​ເນື້ອ​ເຊື່ອໃຈກັນ​ແລະ​ຮ່ວມ​ມື​ກັນ​ແບບຕ່າງ​ຝ່າຍ​ຕ່າງ​ມີ​ຜົນ​ປະ​ໂຫຍ​ດ.

ໃນ​ເວ​ລາ​ທ່ານ​ອູ​ປາງ​ກົວ​ພົບ​ປະ​ທ່ານ​ນາງກຼໍເຣຍ ມາ​ກາ​ພາ​ການ ອາ​ໂລ​ໂຢ ປະທານາທິບໍດີ​ຟິລິ​ບປິນທີ່​ມາ​ເຂົ້າ​ຮ່ວມ​ກອງ​ປະຊຸມ​ປະຈຳ​ປີ2007​ຂອງ​ເວທີ​ປາ​ໄສ​ອາຊີ​ໂປ​ອາວ​ນັ້ນ,ທ່ານ​ເວົ້າ​ວ່າ,ຝ່າຍ​ຈີນຂອບ​ໃຈ​ຟິລິບ​ປິນທີ່​​ໃຫ້​ຄວາມ​ເຂົ້າ​ໃຈ​ ​ແລະ​ການສະ​ໜັບສະ​ໜູນ​ໃນ​ບັນຫາ​ໄຕ້ຫວັນ.ຝ່າຍ​ຈີນ​ຍິນ​ດີພ້ອມ​ກັນ​ກັບ​ຟິລິບ​ປິນ​ແລະ​ຫວຽດນາມ,ຊຸກ​ຍູ້ສາມ​ຝ່າຍຮ່ວມ​ກັນ​ພັດທະນາ​ທະ​ເລ​ຈີນໃຕ້​​ໃຫ້​ໄດ້​ຮັບ​ໝາກຜົນທີ່​ມີ​ລັກສະນະ​ທາດ​ແທ້​​ໂດຍ​ໄວ.

ທ່ານ​ນາງ​ອາ​ໂລ​ໂຢ​ເວົ້າ​ວ່າ,ຄວາມ​ໄວ້​ເນື້ອ​ເຊື່ອ​​ໃຈ​ທາງ​ການ​ເມືອ​ງລະຫວ່າງ​ຟິລິ​ບປິນກັບ​ຈີນ​​ເພິ່ມທະ​ວີຂຶ້ນ​ຢ່າງ​ບໍ່​ຢຸດ​ຢັ້ງ,ການ​ຮ່ວມ​ມືທີ່ຕິດ​ແທດ​ຕົວ​ຈິງຮອບດ້ານ​​ໄດ້ນັບ​ມື້​ນັບຂະຫຍາຍ​ກວ້າງ​ອອກ.ຝ່າຍ​ຟິລິບ​ປິນຍິນ​ດີ​ເພິ່ມທະວີ​ການ​ຮ່ວມ​ມື​ທີ່​ຕ່າງ​ຝ່າຍ​ຕ່າງ​ມີ​ຜົນ​ປະ​ໂຫຍ​ດ​ກັບ​ຈີນ​ໃນ​ຂົງ​ເຂດ​ການ​ເມືອງ,ຄວາມ​ປອດ​ໄພ,​ແລະ​ເສດຖະກິດ​ການ​ຄ້າ​ເປັນ​ຕົ້ນ​ຕື່ມ​ອີກ,ຊຸກ​ຍູ້ການ​ພົວພັນ​ລະ​ຫວ່າງ​ສອງ​ປະ​ເທດ​ໃຫ້ພັດທະນາ​ຢ່າງຮອບດ້ານ​ແລະ​ເລິກ​ເຊິ່ງ.