|
|
 |
| (GMT+08:00)
2007-04-21 18:00:03
|
 |
|
"ກິດຈະຈຳຕ່າງໆກ່ຽວກັບການສຶກສາປົກປ້ອງລິຂະສິດຂອງນັກສຶກສາຈີນປີ 2007" ໄດ້ດຳເນີນຢ່າງເປັນທາງການ
cri
Author: MO
ຕາມຂ່າວCRI: ການແຂ່ງຂັນການໂຕ້ວາທີກ່ຽວກັບການປົກປ້ອງລິຂະສິດຂອງນັກສຶກສາທີ່ຈັດໂດຍກົມລິຂະສິດແຫ່ງຊາດຈີນໄດ້ຈັດຂຶ້ນໃນວັນທີ 21 ເມສານີ້, ທັງເປັນການເລີ່ມຕົ້ນກິດຈະກຳຕ່າງໆກ່ຽວກັບການສຶກສາປົກປ້ອງລິຂະສິດຂອງນັກສຶກສາຈີນປີ 2007" ຢ່າງເປັນທາງການ.
ໃນການແຂ່ງຂັນໂຕ້ວາທີ, ທ່ານວາງຈື້ສຽງ ຫົວໜ້າພະແນກລິຂະສິດຂອງກົມລິຂະສິດແຫ່ງຊາດຈີນກ່າວວ່າ, ຫວັງໃຫ້ກິດຈະກຳການສຶກສາທີ່ມີຫົວຂໍ້ຕົ້ນຕໍທີ່ຖືນັກສຶກສາເປັນຈຸດໜັກໃນການເຜີຍແຜ່ນັ້ນ ສາມາດເຮັດໃຫ້ຄວາມຮູ້ພື້ນຖານກ່ຽວກັບການປົກປ້ອງລິຂະສິດໄດ້ເຜີຍແຜ່ຢູ່ໃນນັກສຶກສາທັງຫຼາຍ, ເຮັດໃຫ້ສະຕິປົກປ້ອງລິຂະສິດຂອງນັກສຶກສາໄດ້ຍົກສູງຂຶ້ນ.
ກິດຈະກຳດັ່ງກ່າວຖື"ການປະຕິເສດການລັກລອກແບບເລີ່ມຕົ້ນຈາກຂ້ອຍ"ເປັນຫົວຂໍ້ຕົ້ນຕໍ, ຍັງມີກິດຈະກຳຕ່າງໆເຊັ່ນ ຜູ້ຊ່ຽວຊານລິຂະສິດທີ່ມີຊື່ສຽງ ວິສາຫະກິດທີ່ກ່ຽວຂ້ອງກັບລິຂະສິດ ແລະຜູ້ມີສິດປະພັນຈັດງານບັນຍາຍຢູ່ໂຮງຮຽນເປັນຕົ້ນ.
ແຕ່ປີ 2004 ເປັນຕົ້ນມາ, ແຕ່ລະປີ, ກົມລິຂະສິດແຫ່ງຊາດຈີນກໍໄດ້ຈັດກິດຈະກຳໂຄສະນາແລະເຜີຍແຜ່ຄວາມຮູ້ກ່ຽວກັບການປົກປ້ອງລິຂະສິດໃນທົ່ວປະເທດ, ເພື່ອຍົກສະຕິປົກປ້ອງລິຂະສິດຂອງສາທາລະນະຊົນໃຫ້ສູງຂຶ້ນ.
|
|
|
