|
|
 |
| (GMT+08:00)
2007-04-21 18:58:04
|
 |
|
ຈີນຈະວາງນະໂຍບາຍຕ່າງໆປັບປຸງຂະແໜງການທີ່ສິ້ນເປື້ອງພະລັງງານຫຼາຍ
cri
Author: mo
ຕາມຂ່າວສານຊີນຮວາ: ຈີນຈະວາງນະໂຍບາຍຕ່າງໆ, ເພີ່ມທະວີການຈັດວາງຂະແໜງການທີ່ສິ້ນເປືອງພະລັງງານຫຼາຍ ເຊື່ອມພິດຫຼາຍ ແລະແບບຊັບພະຍາກອນແລະການປັບປຸງອົງປະກອບຜະລິດຕະພັນ, ອະນຸມັດເຂົ້າຕະຫຼາດຢ່າງເຄັ່ງຄັດ, ສົ່ງເສີມໃຫ້ວິສາຫະກິດປະດິດສ້າງໃໝ່ຢ່າງເປັນເຈົ້າຕົນເອງ.
ນີ້ແມ່ນນັກຂ່າວໄດ້ຊາບຈາກຄະນະກຳມະການການພັດທະນາແລະການປະຕິຮູບແຫ່ງລັດຈີນໃນວັນທີ 21 ເມສານີ້. ຜູ້ຊ່ຽວຊານທີ່ກ່ຽວຂ້ອງຂອງຄະນະກຳມະການດັ່ງກ່າວກ່າວວ່າ, ຈີນຈະວາງນະໂຍບາຍຄົບຊຸດຄືການເງິນ ທີ່ດິນ ການກໍ່ສ້າງ ແລະການອະນຸລັກສິ່ງແວດລ້ອມເປັນຕົ້ນ, ສືບຕໍ່ປະຕິບັດນະໂຍບາຍປັບປຸງພາສີສົ່ງອອກ, ສະກັດກັ້ນບໍ່ໃຫ້ຜະລິດຕະພັນທີ່ເຊື່ອມພິດຫຼາຍ ສິ້ນເປືອງພະລັງງານຫຼາຍ ແລະແບບຊັບພະຍາກອນສົ່ງອອກໄປນອກ, ຍົກມາດຖານອະນຸມັດເຂົ້າຕະຫຼາດຂອງວິສາຫະກິດປະເພດນີ້ໃຫ້ສູງຂຶ້ນ.
ນອກນີ້, ພາກສ່ວນທີ່ກ່ຽວຂ້ອງພວມຄົ້ນຄວ້າວິທີການຄຸ້ມຄອງການຮັບຮອງວິສາຫະກິດໄຮເຕັກ, ຕໍ່ວິສາຫະກິດທີ່ໄດ້ຜ່ານການຮັບຮອງ, ຈະໃຫ້ນະໂຍບາຍພິເສດດ້ານອາກອນ, ເພື່ອສົ່ງເສີມວິສາຫະກິດກາຍເປັນອົງກອນຫຼັກຂອງການປະດິດສ້າງໃໝ່ຢ່າງເປັນເຈົ້າຕົນເອງ.
|
|
|
