|
|
 |
| (GMT+08:00)
2007-04-24 18:48:01
|
 |
|
ອົງການນິຕິບັນຍັດຈີນສືບຕໍ່ພິຈາລະນາຮ່າງກົດໝາຍວ່າດ້ວຍຂໍ້ຜູກພັນກ່ຽວກັບການອອກແຮງງານ
cri
Author: da
ຕາມຂ່າວCRI: ວັນທີ 24 ເມສານີ້ "ຮ່າງກົດໝາຍວ່າດ້ວຍຂໍ້ຜູກພັນກ່ຽວກັບການອອກແຮງງານ"ທີ່ໝາຍຈະປົກປ້ອງສິດແລະຜົນປະໂຫຍດທີ່ຖືກຕ້ອງຕາມກົດໝາຍຂອງຜູ່ອອກແຮງງານຕື່ມອີກໄດ້ຍື່ນໃຫ້ກອງປະຊຸມຄະນະປະຈຳສະພາປະຊາຊົນແຫ່ງຊາດຈີນພິຈາລະນາອີກຄັ້ງໜຶ່ງ.ຂໍ້ກຳນົດທີ່ກ່ຽວຂ້ອງໃນຮ່າງກົດໝາຍສະບັບນີ້ຈະຊ່ວຍແກ້ໄຂບັນຫາຕ່າງໆໃນສັງຄົມຈີນປະຈຸບັນເຊັ່ນ ຕັ້ງແກ້ງແກ່ຍາວເວລາລອງໃຊ້ງານ ລະເມີດສິດແລະຜົນປະໂຫຍດທີ່ຖືກຕ້ອງຕາມກົດໝາຍຂອງຊາວກະສິກອນທີ່ເຮັດວຽກຢູ່ໃນຕົວເມືອງດ້ວຍຂໍ້ຜູກພັນການອອກແຮງງານບໍ່ເປັນແບບສະບັບ ແລະອື່ນໆ.
ລະບອບຂໍ້ຜູກພັນກ່ຽວກັບການອອກແຮງງານທີ່ຈີນໃຊ້ໃນປະຈຸບັນໄດ້ປະຕິບັດມາ 12 ປີແລ້ວ,"ກົດໝາຍວ່າດ້ວຍຂໍ້ຜູກພັນກ່ຽວກັບການອອກແຮງງານໄດ້"ເຂົ້າສູ່ລະບຽບການນິຕິບັນຍັດໃນທ້າຍປີ2005,ຮ່າງກົດໝາຍຍັງໄດ້ປະກາດຕໍ່ສັງຄົມເພື່ອຂໍຄວາມເຫັນຈາກຝ່າຍຕ່າງໆຢ່າງກວ້າງຂວາງ.ຮ່າງກົດໝາຍໄດ້ກຳນົດຢ່າງຈະແຈ້ງຕໍ່ພັນທະຂອງຜູ່ໃຊ້ແຮງງານ ຮູບການສ້າງຂໍ້ຜູກພັນກ່ຽວກັບການອອກແຮງງານເປັນຕົ້ນ,ຮ່າງກົດໝາຍຍັງໄດ້ກຳນົດວິທີປັບໄໝການກະທຳຕ່າງໆຂອງຜູ່ໃຊ້ແຮງງານຢ່າງຈະແຈ້ງ ເຊັ່ນ ຕັ້ງແກ້ງຕິດໜີ້ເງິນເດືອນ ຕິດໜີ້ຄ່າໃຊ້ແທນທາງເສດຖະກິດເປັນຕົ້ນ.
|
|
|
