|
|
 |
| (GMT+08:00)
2007-04-25 16:20:53
|
 |
|
ແຜ່ນດິນໃຫຍ່ຈີນເດັດດ່ຽວຄັດຄ້ານໄຕ້ຫວັນເຂົ້າເປັນສະມາຊິກອົງການອະນາໄມໂລກ
cri
ຕາມຂ່າວCRI, ວັນທີ25ເມສານີ້ຢູ່ທີ່ປັກກິ່ງ, ທ່ານຢາງອີ້ ໂຄສົກຫ້ອງການວຽກງານໄຕ້ຫວັນຂອງລັດຖະບານຈີນກ່າວວ່າ, ເຈົ້າໜ້າທີ່ໄຕ້ຫວັນສະເໜີເຂົ້າເປັນສະມາຊິກຂອງອົງການອະນາໄມໂລກໃນນາມ"ໄຕ້ຫວັນ", ແມ່ນການເລື່ອນຂັ້ນການແບ່ງແຍກໄຕ້ຫວັນເປັນເອກະລາດໃນການເຄື່ອນໄຫວສາກົນຂອງເຂົາ, ແຜ່ນດິນໃຫຍ່ຈີນຄັດຄ້ານຢ່າງເດັດດ່ຽວຕໍ່ເລື່ອງນີ້.
ໃນກອງປະຊຸມຂ່າວທີ່ຫ້ອງການວຽກງານໄຕ້ຫວັນຈັດຂຶ້ນໃນມື້ດຽວກັນ, ທ່ານຢາງອີ້ກ່າວວ່າ, ແຜ່ນດິນໃຫຍ່ຈີນເອົາໃຈໃສ່ຕະຫຼອດມາແລະຕັ້ງໜ້າປົກປ້ອງສິດຮັກສາສຸຂະພາບຂອງພີ່ນ້ອງຮ່ວມຊາດໄຕ້ຫວັນ, ອອກແຮງຊຸກຍູ້ການແລກປ່ຽນແລະການຮ່ວມມືລະຫວ່າງສອງຝັ່ງຊ່ອງແຄບໃນຂົງເຂດສາທາລະນະສຸກ. ໄຕ້ຫວັນມີຊ່ອງທາງທີ່ສະດວກໃນການຮັບຂໍ້ມູນຂ່າວສານທີ່ກ່ຽວຂ້ອງແລະການຊ່ອຍເຫຼືອຈາກອົງການອະນາໄມໂລກ.
ທ່ານຢາງອີ້ກ່າວວ່າ, ອົງການອະນາໄມໂລກແມ່ນອົງການສະຫະປະຊາຊາດທີ່ມີແຕ່ປະເທດອະທິປະໄຕຈຶ່ງສາມາດເຂົ້າເປັນສະມາຊິກໄດ້,ໄຕ້ຫວັນເປັນພາກສ່ວນໜຶ່ງຂອງຈີນ, ບໍ່ສາມາດເຂົ້າຮ່ວມອົງການດັ່ງກ່າວດ້ວຍຖານະທີ່ເປັນສະມາຊິກຫຼືເຄິ່ງສະມາຊິກ, ແລະກໍບໍ່ສາມາດເຂົ້າຮ່ວມກອງປະຊຸມສາທາລະນສຸກໂລກໃນນາມຜູ້ສັງເກດການ.
|
|
|
