|
|
 |
| (GMT+08:00)
2007-04-25 18:23:38
|
 |
|
ທ່ານໂຣເກີມີຄວາມໝັ້ນໃຈຕໍ່ແຜນການຄົມມະນາຄົມຂອງງານກິລາໂອລິມປິກປັກກິ່ງ
cri
Author: da
ຕາມຂ່າວສານຊິນຮວາ: ທ່ານໂຣເກີ ປະທານຄະນະກຳມະການງານກິລາໂອລິມປິກສາກົນກ່າວວ່າ,ທ່ານມີຄວາມໝັ້ນໃຈຕໍ່ນະໂຍບາຍຄົມມະນາຄົມທີ່ກ່ຽວຂ້ອງທີ່ນະຄອນປັກກິ່ງວາງໄວ້ເພື່ອງານກິລາໂອລິມປິກປີ2008.
ວັນທີ25ເມສານີ້ ທ່ານໂຣເກີທີ່ພວມເຂົ້າຮ່ວມງານກິລາສາກົນທີ່ປັກກິ່ງໄດ້ເຂົ້າຮ່ວມງານຖະແຫຼງຂ່າວ.ທ່ານກ່າວວ່າ,ໃນງານກິລາໂອລິມປິກແຕ່ລະຄັ້ງທີ່ຜ່ານມາລ້ວນແຕ່ເກີດມີບັນຫາຄົມມະນາຄົມ,ແຕ່ທ່ານເຊື່ອວ່າ ມາດຕະການທຸກລາຍຂອງຄະນະກຳມະການຈັດຕັ້ງງານກິລາໂອລິມປິກປັກກິ່ງສາມາດຜ່ອນຄາຍສະພາບການລົດຕິດຂອງນະຄອນປັກກິ່ງໃນເວລາຈັດງານກິລາໂອລິມປິກ.ທ່ານໂຣເກີກ່າວວ່າ,ຜູ່ຊ່ຽວຊານຄົມມະນາຄົມຂອງຄະນະກຳມະການງານກິລາໂອລິມປິກສາກົນໄດ້ຄົ້ນຄວ້າແຜນການຄົມມະນາຄົມຂອງງານກິລາໂອລິມປິກປັກກິ່ງແລ້ວ,ປະຈຸບັນເຫັນວ່າບໍ່ມີບັນຫາຫຍັງ.
ມື້ດຽວກັນ,ຄະນະກຳມະການທີ່ປຶກສາຮ່ວມມືປະສານງານລະຫວ່າງຊາດໃນດ້ານປ້ອງກັນຄວາມປອດໄພຂອງງານກິລາໂອລິມປິກຄັ້ງທີ 29 ໄດ້ຈັດກອງປະຊຸມຄັ້ງທຳອິດຢູ່ປັກກິ່ງ,ຜູ່ຮັບຜິດຊອບອົງການຄວາມປອດໄພຂອງ 20 ກວ່າປະເທດເຊັ່ນຈີນ ອັງກິດ ອາເມລິກາ ແລະເຢຍລະມັນພ້ອມດ້ວຍອົງການຕຳຫຼວດອາຍາສາກົນໄດ້ພ້ອມກັນຫາລືການປ້ອງກັນຄວາມປອດໄພໃນໄລຍະຈັດງານກິລາໂອລິມປິກ.
|
|
|
