ຕາມ​ຂ່າວສານ​ຊິນ​ຮວາ:​ເຈົ້າ​ໜ້າ​ທີ່​ຊັ້ນ​ສູງ,ຜູ້​ຕາງໜ້າ​ສະຖານີ​ການ​ເງິນ​ທີ່​ມີ​ຊື່ສຽງຂອງ​ສາກົນ​ແລະ​ຜູ້ຕາງໜ້າ​ທະນາຄານ​ກາງ​​ຂອງ​ປະ​ເທດບໍລິ​ເວນ​ອ່າວ​ພາກ​​ເໜືອ​ຂອງ​ຈີນ​ກັບ​ອາຊຽນ​ລວມ150ຄົນ​ຈະ​ເຂົ້າ​ຮ່ວມ​ເວທີ​ປຶກສາ​ຫາລືການ​ຮ່ວມ​ມື​ດ້ານເສດ​ຖະກິດບໍລິ​ເວນ​ອ່າວ​ພາກ​ເໜືອ​ທີ່​ຈະ​ຈັດ​ຂຶ້ນ​​ຢູ່​ເມືອງ​ນານ​ນີງໃນ​ເດືອນ​ກໍລະ​ກົດ​ປີນີ້.​ເຈົ້າ​ໜ້າ​ທີ່ຮ່ວມ​ປະ​ຊຸມ​ຈະ​​ລົງ​ເລິກ​ຫາລື​ຫົວ​ຂໍ້​ກ່ຽວ​ກັບ"ພ້ອມ​ກັນ​ສ້າງ​ຂົ້ວເພິ່ມ​ຂຶ້ນ​ໃໝ່​ຈີນ-​ອາຊ​ຽນ".

ວັນ​ທີ25​ເມສາ​ນີ້,ທ່ານ​ເຊີນ​ລຸ້ຍຊຽນ ຮອງ​​ເລຂາ​ທິການ​ໃຫຍ່​ຄະນະ​ຈັດ​ຕັ້ງ​ເວທີ​ປຶກສາ​ຫາລື​ການ​ຮ່ວມມືດ້ານ​ເສດຖະກິດ​ບໍລິ​ເວນ​ອ່າວ​ພາກ​ເໜືອ​ໄດ້​​ແຈ້ງ​ຂ່າ​ວນີ້​ໃຫ້​ຊາບຢູ່​ເມືອງ​ນານ​ນີງ.

ທ່ານ​ເຊີນ​ລຸ້ຍຊຽນ​ກ່າວ​ວ່າ,ການສະ​ໜັບສະ​ໜູນ​ດ້ານ​ການ​ເງິນ​ແມ່ນພາ​ຫະນະ​ສຳຄັນ​ທີ່​ຊຸກ​ຍູ້​ເສດຖະ​ກິດ​ພາກ​ພື້ນ​ໃຫ້​ພັດທະນາ,ສະ​ນັ້ນ,​ການເພິ່ມ​ທະວີ​ການ​ຮ່ວມ​ມື​ດ້ານ​ການ​ເງິນ​ຢູ່​ບໍ​ລິ​ເວນ​ອ່າວ​ພາກ​ເໜືອ​ຈະ​ກາຍ​ເປັນ​ຫົວ​ຂໍ້​ທີ່ສຳຄັນ​ຂອງ​​ເວທີ​ປຶກສາ​ຫາລືເທື່ອນີ້.