|
|
 |
| (GMT+08:00)
2007-04-26 17:37:41
|
 |
|
ແຫ່ງຕ່າງໆຂອງຈີນຈັດກິດຈະກຳລະລຶກວັນສິດຊັບສິນທາງປັນຍາຂອງໂລກ
cri
Author: m
ຕາມຂ່າວ CRI: ວັນທີ 26 ເມສາແມ່ນວັນສິດຊັບສິນທາງປັນຍາຂອງໂລກ. ແຫ່ງຕ່າງໆຂອງຈີນໄດ້ຈັດກິດຈະກຳຕ່າງໆ, ຄື ງານສຳມະນາ, ການວາງສະແດງແລະການລົງລາຍເຊັນທາງອິນເຕິເນັດເປັນຕົ້ນ, ໃຫ້ຄວາມຮູ້ໃນດ້ານປົກປ້ອງສິດຊັບສິນທາງປັນຍາແກ່ມວນຊົນ, ເພື່ອຍົກສູງສະຕິປົກປ້ອງສິດຊັບສິນທາງປັນຍາໃຫ້ເຂົາເຈົ້າ.
ຫົວຂໍ້ຂອງວັນສິດຊັບສິນທາງປັນຍາຂອງໂລກປີນີ້ແມ່ນ "ສົ່ງເສີ່ມການປະດິດສ້າງ". ຢູ່ປັກກິ່ງ, ເຈົ້າໜ້າທີ່ຈາກຂະແໜງການຕ່າງໆແລະເຈົ້າໜ້າທີ່ສະຖານທູດຕ່າງປະເທດປະຈຳຈີນແລະນັກທຸລະກິດເກືອບ 300 ຄົນໄດ້ໄປເຕົ້າໂຮມກັນຢູ່ກົມສິດຊັບສິນທາງປັນຍາແຫ່ງຊາດຈີນເພື່ອຮ່ວມກິດຈະກຳ "ວັນເປີດປະຕູ", ແລະໄດ້ເບິ່ງຮູບເງົາທີ່ແນະນຳວຽກງານປົກປ້ອງສິດຊັບສິນທາງປັນຍາຂອງຈີນ.
ນອກນີ້, ລະບົບບໍລິການຂ່າວສານສິດທິບັດຂອງຈີນກໍ່ໄດ້ເປີດໃຊ້ໃນມື້ດຽວກັນ, ແຕ່ນີ້ໄປ, ປະຊາຊົນຈະສາມາດຊອກຮູ້ເອກະສານສິດທິບັດຈີນແລະຕ່າງປະເທດຢ່າງກວ້າງຂວາງແລະສະດວກກວ່າເກົ່າແລ້ວ.
ກ່ອນນີ້, ຈີນໄດ້ດຳເນີນການເຄື່ອງໄຫວໂຄສະນາການປົກປ້ອງສິດຊັບສິນທາງປັນຍາທີ່ເປັນເວລາໜຶ່ງອາທິດໃນທົ່ວປະເທດມາແລ້ວ, ເພື່ອແນະນຳນະໂຍບາຍແລະກົດໝາຍທີ່ກ່ຽວຂ້ອງຂອງຈີນຕໍ່ມວນຊົນ.
|
|
|
