|
ນັບແຕ່ຍົກລະດັບຄວາມໄວຂອງລົດໄຟເທື່ອທີ6ມານີ້ ການຂົນສົ່ງຜູ່ໂດຍສານແລະວັດສະດຸຂອງຈີນໄດ້ເປັນໄປຢ່າງສະດວກ
cri
Author: da
ຕາມຂ່າວCRI:ວັນທີ 29 ເມສານີ້ ນັກຂ່າວໄດ້ຊາບຈາກກະຊວງທາງລົດໄຟຈີນວ່າ,ນັບແຕ່ຈີນຍົກລະດັບຄວາມໄວຂອງລົດໄຟຢ່າງຂະໜາດໃຫຍ່ເທື່ອທີ6ເປັນເວລາ 10 ມື້ມານີ້,ການຂົນສົ່ງຜູ່ໂດຍສານແລະວັດສະດຸໃນທົ່ວປະເທດໄດ້ເປັນໄປຢ່າງສະດວກ,ບໍ່ມີເຫດການຮ້າຍແຮງຫຍັງເກີດຂຶ້ນ.
ສະຖິຕິຂອງກະຊວງທາງລົດໄຟສະແດງໃຫ້ເຫັນວ່າ,ນັບແຕ່ຍົກລະດັບຄວາມໄວຂອງລົດໄຟ 10 ມື້ມານີ້,ໄດ້ຂົນສົ່ງຜູ່ໂດຍສານ 31 ລ້ານ 5 ແສນເທື່ອຄົນ,ເພີ່ມຂຶ້ນຫຼາຍກວ່າເວລາດຽວກັນ 0,6%; ໄດ້ຂົນສົ່ງວັດສະດຸ 83 ລ້ານ 5 ໝື່ນໂຕນ,ເພີ່ມຂຶ້ນຫຼາຍກວ່າເວລາດຽວກັນ 5,4%.
ປະຈຸບັນ,ລົດໄຟຈີນສາມາດແລ່ນໄວເຖິງ 250 ກິໂລແມັດຕໍ່ຊົ່ວໂມງ. ຜູ່ຮັບຜິດຊອບຂອງກະຊວງທາງລົດໄຟເຜີຍໃຫ້ຮູ້ວ່າ,ລົດໄຟທີ່ແລ່ນໄດ້ 300 ກິໂລແມັດຕໍ່ຊົ່ວໂມງຈະເລີ່ມໃຊ້ການໃນ6ເດືອນທ້າຍປີນີ້.
|
|
