|
|
 |
| (GMT+08:00)
2007-04-30 18:53:06
|
 |
|
ຮອດປີ2010 ຈີນຈະຄວບຄຸມປະຊາກອນໃຫ້ຢູ່ໃນ 1 ຕື້ 360 ລ້ານຄົນ
cri
Author: da
ຕາມຂ່າວCRI: ຫວ່າງມໍ່ໆນີ້ ລັດຖະບານຈີນໄດ້ພິມແຜນພັດທະນາປະຊາກອນໃນອະນາຄົດ,ສະເໜີອອກມາວ່າ: ຮອດປີ2010,ປະຊາກອນຈີນຈະຖືກຄວບຄຸມໃຫ້ຢູ່ໃນ 1 ຕື້ 360 ລ້ານຄົນ; ຄຸນທາດຂອງປະຊາກອນຈະຍົກສູງຂຶ້ນຢ່າງເດັ່ນຊັດ; ທ່ວງທ່າອັດຕາເກີດລູກເພດຍິງເພດຊາຍບໍ່ດຸນດ່ຽງກັນນັ້ນໄດ້ຮັບການສະກັດກັ້ນຢ່າງບັງເກີດຜົນ; ລະດັບຫັນເປັນປະຊາກອນຕົວເມືອງບັນລຸ 47%.ຮອດປີ2020,ປະຊາກອນທົ່ວປະເທດຈະຖືກຄວບຄຸມໃຫ້ຢູ່ໃນ 1 ຕື້ 450 ລ້ານຄົນ.
ໃນເວລາໃຫ້ສຳພາດຕໍ່ເວັບໄຊຂອງລັດຖະບານຈີນ ທ່ານນາງຈ້າວເປເກີ່ ຮອງຫົວໜ້າຄະນະກຳມະການປະຊາກອນແລະວາງແຜນຄອບຄົວແຫ່ງຊາດຈີນກ່າວວ່າ,ໃນຕົ້ນສະຕະວັດທີ21,ຈີນຈະຕ້ອນຮັບສາມກະແສສູງເປັນລຳດັບຄືປະຊາກອນອາຍຸອອກແຮງງານ ຍອດຈຳນວນປະຊາກອນ ແລະປະຊາກອນຜູ່ເຖົ້າແກ່ຊະລາ. ໃນໄລຍະຕໍ່ໜ້າ,ການພັດທະນາປະຊາກອນຂອງຈີນຕ້ອງປະຕິບັດຕາມຄວາມຮຽກຮ້ອງຕ້ອງການຂອງການສ້າງສັງຄົມສັງຄົມນິຍົມທີ່ກົມກຽວກັນ,ລົງທຶນເຂົ້າໃນການພັດທະນາຢ່າງຮອບດ້ານຂອງມະນຸດກ່ອນໝູ່. ເຮັດໃຫ້ລະດັບການເກີດຕ່ຳລົງຢ່າງໝັ້ນທ່ຽງ,ຍົກສູງຄຸນທາດຂອງປະຊາກອນ,ຊຸກຍູ້ໃຫ້ປະເທດທີ່ມີປະຊາກອນຫຼາຍຫັນເປັນປະເທດເຂັ້ມແຂງໃນດ້ານຄົນກຳລັງແລະທຶນຮອນ,ຊຸກຍູ້ໃຫ້ປະຊາກອນກັບເສດຖະກິດ ສັງຄົມ ຊັບພະຍາກອນແລະສິ່ງແວດລ້ອມພັດທະນາຢ່າງກົມກຽວກັນແລະແບບຍືນຍົງ.
|
|
|
