|
|
 |
| (GMT+08:00)
2007-05-01 18:12:10
|
 |
|
ການພັດທະນາຂອງອາຊີວະສຶກສານັບມື້ນັບໄດ້ຮັບຄວາມສົນໃຈຢູ່ຈີນ
cri
Author: da
ຕາມຂ່າວສານຊິນຮວາ: ໃນຫຼາຍປີມານີ້,ຈີນນັບມື້ນັບເອົາໃຈໃສ່ນຳການພັດທະນາອາຊີວະສຶກສາໂດຍສະເພາະແມ່ນອາຊີວະສຶກສາລະດັບກາງ,ເພື່ອແກ້ໄຂບັນຫາບໍ່ກົມກຽວກັນທີ່ປະຊາກອນຫຼາຍແຕ່ພັດຂາດເຂີນກຳມະກອນທີ່ມີຄວາມຮູ້ຄວາມສາມາດ.
ປະຈຸບັນ,ຈີນພວມບູລະນະຕາໜ່າງອາຊີວະສຶກສາແລະການອົບຮົມວິຊາຊີບທີ່ປົກຄຸມຕົວເມືອງແລະຊົນນະບົດ; ພ້ອມກັນລົງເລິກປະຕິຮູບໂຄງປະກອບຄຸ້ມຄອງອາຊີວະສຶກສາ,ສ້າງກົນໄກສ້າງໂຮງຮຽນທີ່ມີຂະແໜງການ ວິສາຫະກິດແລະໂຮງຮຽນພ້ອມກັນເຂົ້າຮ່ວມ,ເຜີຍແຜ່ປະຕິບັດຮູບແບບສ້າງໂຮງຮຽນທີ່ໂຮງງານປະສານສົມທົບກັບໂຮງຮຽນ ໂຮງຮຽນຮ່ວມມືກັບວິສາຫະກິດ. ຕາມສະຖິຕິ,ໃນສອງປີມານີ້,ມາດຕາສ່ວນອາຊີວະສຶກສາລະດັບກາງແລະການສຶກສາຊັ້ນມັດທະຍົມປາຍທຳມະດານັບມື້ນັບສົມເຫດສົມຜົນ,ມີຫວັງບັນລຸຄາດໝາຍທີ່ຮັບສະໝັກນັກຮຽນ 8 ລ້ານຄົນກ່ອນປີ 2010.
ການສຳຫຼວດສະແດງໃຫ້ເຫັນວ່າ,ປະຈຸບັນ ຈີນມີກຳມະກອນເຕັນກິກປະມານ 70 ລ້ານຄົນ,ສ່ວນກຳມະການເຕັກນິກລະດັບສູງກວມພຽງ4%ທໍ່ນັ້ນ.ນີ້ຍັງໄກກັນຫຼາຍກັບລະດັບມາດຕາສ່ວນ 30-40% ຂອງກຳມະກອນເຕັກນິກລະດັບສູງໃນປະເທດທີ່ພັດທະນາແລ້ວ.
|
|
|
