|
|
 |
| (GMT+08:00)
2007-05-02 18:56:30
|
 |
|
ການຄ້າການບໍລິການຂອງຈີນຈະເຕີບໂຕຫຼາຍກວ່າ20% ສະເລ່ຍຕໍ່ປີ
cri
Author: da
ຕາມຂ່າວສານຊິນຮວາ: ອີງຕາມແຜນພັດທະນາເສດຖະກິດແຫ່ງຊາດແລະສັງຄົມຈີນ,ຮອດປີ2010 ຍອດມູນຄ່ານຳເຂົ້າສົ່ງອອກການຄ້າການບໍລິການຂອງຈີນຈະບັນລຸ 400 ຕື້ໂດລາ,ນີ້ໝາຍຄວາມວ່າ ຍອດມູນຄ່ານຳເຂົ້າສົ່ງອອກການຄ້າການບໍລິການໃນຫຼາຍປີຕໍ່ໜ້ານີ້ຈະເພີ່ມຂຶ້ນ 20% ຂຶ້ນໄປຕໍ່ປີ.
ຫວ່າງມໍ່ໆນີ້ ຢູ່ປັກກິ່ງ ທ່ານຫູຈິງຢຽນ ຫົວໜ້າກົມການຄ້າການບໍລິການກະຊວງການຄ້າຈີນກ່າວວ່າ,ການຄ້າການບໍລິການຂອງຈີນໃນປະຈຸບັນໃນທົ່ວໂລກຍັງບໍ່ທັນໄດ້ຢູ່ໃນຖານະນຳໜ້າໃນໂລກ,ຢາກບັນລຸເປົ້າໝາຍນີ້,ກໍຕ້ອງເລັ່ງລັດປ່ຽນແປງຮູບການເຕີບໂຕທາງການຄ້າກັບຕ່າງປະເທດ,ເປີດກວ້າງການນຳເຂົ້າສົ່ງອອກການຄ້າການບໍລິການ,ຍົກສູງມາດຕາສ່ວນຂອງການຄ້າການບໍລິການໃນຍອດມູນຄ່າການຄ້າກັບຕ່າງປະເທດຂອງທົ່ວປະເທດຢ່າງບໍ່ຢຸດຢັ້ງ,ແລະເອົາໃຈໃສ່ນຳການເພີ່ມຂຶ້ນຂອງຍອດມູນຄ່າການຄ້າການບໍລິການກັບລາຍຮັບລາຍຈ່າຍໃຫ້ດຸນດ່ຽງກັນ.ເພື່ອເລື່ອງນີ້,ລັດຖະບານຈີນຈະຄົ້ນຄວ້າວາງແລະບູລະນະນະໂຍບາຍແລະກົດລະບຽບທີ່ກ່ຽວຂ້ອງໃຫ້ດີຂຶ້ນ.
|
|
|
