|
|
 |
| (GMT+08:00)
2007-05-06 19:14:27
|
 |
|
ໜ່ວຍງານສັງຄົມເກືອດຫ້າມຢາເສບຕິດກອງທຳອິດຂອງແຂວງຢຸນນານສ້າງຕັ້ງຂຶ້ນຢູ່ເມືອງຄຸນມິງ
cri
Author: da
ຕາມຂ່າວສານຊິນຮວາ: ຫວ່າງມໍ່ໆນີ້ ໜ່ວຍງານສັງຄົມເກືອດຫ້າມຢາເສບຕິດທີ່ປະກອບດ້ວຍໄທເມືອງກອງທຳອິດຂອງແຂວງຢຸນນານຈີນໄດ້ສ້າງຕັ້ງຂຶ້ນຢູ່ເມືອງຄຸນມິງ.
ພະນັກງານເກືອດຫ້າມຢາເສບຕິດ502ຄົນງວດທຳອິດຂອງໜ່ວຍງານນີ້ແມ່ນພາກສ່ວນເກືອດຫ້າມຢາເສບຕິດຄັດເລືອກມາຈາກໄທເມືອງທີ່ສະໝັກຊື່ຢ່າງສະໝັກໃຈ.ຫຼັງຈາກຮັບການອົບຮົມວິຊາເກືອດຫ້າມຢາເສບຕິດແລ້ວ,ເຂົາເຈົ້າຈະເຮັດວຽກຢ່າງເປັນທາງການ,ປະສານສົມທົບກັບພາກສ່ວນເກືອດຫ້າມຢາເສບຕິດຂັ້ນຮາກຖານເຮັດວຽກງານເກືອດຫ້າມຢາເສບຕິດຢູ່ຄຸ້ມສັງຄົມແລະຊົນນະບົດ.ວຽກງານລະອຽດລວມທັງເຜີຍແຜ່ຄວາມຮູ້ກ່ຽວກັບການເກືອດຫ້າມຢາເສບຕິດ,ເຂົ້າຮ່ວມວຽກງານສຶກສາການເກືອດຫ້າມຢາເສບຕິດແລະການປ້ອງກັນຢາເສບຕິດ,ສະໜອງຮ່ອງຮອຍທີ່ກ່ຽວຂ້ອງກັບຢາເສບຕິດໃຫ້ພາກສ່ວນປາບປາມຢາເສບຕິດ.
ແຂວງຢຸນນານໃກ້ກັບ"ເຂດສາມຫຼ່ຽມຄຳ"ແຫຼ່ງຜະລິດຢາເສບຕິດຢູ່ອາຊີອາຄະເນ,ແມ່ນເຂດໜຶ່ງຂອງຈີນທີ່ໄດ້ຮັບຜົນສະທ້ອນຮ້າຍແຮງກວ່າໝູ່ຈາກຢາເສບຕິດ.ຕາມໄດ້ຊາບ,ຮູບການເກືອດຫ້າມຢາເສບຕິດປະເພດໃໝ່ນີ້ຂອງເມືອງຄຸນມິງຈະເຜີຍແຜ່ຢູ່ແຫ່ງອື່ນຂອງແຂວງຢຸນນານເປັນລຳດັບ.
|
|
|
