|
ຕາມຂ່າວCRI:ທ່ານເວີນເຈຍປາວ ນາຍົກລັດຖະມົນຕີຈີນກ່າວວ່າ,ຈີນຈະຕັດສິນໃຈຫຼາຍກວ່າ,ອອກແຮງຫຼາຍກວ່າເກົ່າແລະໃຊ້ມາດຕະການທີ່ແຂງແຮງກວ່າເກົ່າ,ຮັບປະກັນໃຫ້ບັນລຸເປົ້າໝາຍປະຢັດພະລັງງານຫຼຸດການລະບາຍສິ່ງເຊື່ອມພິດຄືຮອດປີ2010, ການສິ້ນເປືອງພະລັງງານຕໍ່ຫົວໜ່ວຍGDPຫຼຸດລົງ20%,ຍອດປະລິມານການລະບາຍສິ່ງເຊື່ອມພິດຕົ້ນຕໍຫຼຸດລົງ10%.
ວັນທີ7ພຶດສະພານີ້,ຂ່າວສານຊິນຮວາ ເຊິ່ນເປັນຂ່າວສານແຫ່ງລັດຈີນໄດ້ປະກາດຄຳປາໄສຂອງທ່ານເວີນເຈຍປາວ ນາຍົກລັດຖະມົນຕີຈີນທີ່ກ່າວໃນກອງປະຊຸມໂທລະພາບແລະໂທລະສັບກ່ຽວກັບວຽກງານປະຢັດພະລັງງານຫຼຸດການລະບາຍສິ່ງເຊື່ອມພິດຂອງຈີນ.ທ່ານເວີນເຈຍປາວຊີ້ອອກວ່າ,ຂະແໜງການສິ້ນເປືອງພະລັງງານຫຼາຍແລະເຊື່ອມພິດຫຼາຍຂອງຈີນພັດທະນາຢ່າງວ່ອງໄວ,ວຽກງານປະຢັດພະລັງງານແລະຫຼຸດການລະບາຍວັດຖຸເຊື່ອມພິດພວມປະເຊີນກັບສະຖານະການທີ່ຂ້ຽວຂາດສົມຄວນ.
ທ່ານກ່າວວ່າ,ໃນຕໍ່ໜ້າ,ຈີນຈະສືບຕໍ່ຄວບຄຸມບໍ່ໃຫ້ຂະແໜງການສິ້ນເປືອງພະລັງງານຫຼາຍແລະເຊື່ອມພິດຫຼາຍຂອງຈີນພັດທະນາໄວໂພດ,ເລັ່ງລັດປະຖິ້ມຄວາມສາມາດຜະລິດທີ່ຫຼ້າຫຼັງ,ເຮັດວຽກງານປະຢັດພະລັງງານແລະຫຼຸດການລະບາຍສິ່ງເຊື່ອມພິດ,ຊຸກຍູ້ວິທະຍາສາດເຕັກນິກທີ່ປະຢັດພະລັງງານແລະຫຼຸດການລະບາຍສິ່ງເຊື່ອມພິດໃຫ້ກ້າວໜ້າ,ສົ່ງເສີມແລະສະໜັບສະໜູນວິສາຫະກິດດັດສ້າງເຕັກນິກປະຢັດພະລັງງານແລະຫຼຸດການລະບາຍວັດຖຸເຊື່ອມພິດ,ອອກແຮງພັດທະນາເສດຖະກິດໝູນວຽນ,ຊຸກຍູ້ການຜະລິດທີ່ສະອາດຢ່າງຮອບດ້ານ,ສ້າງຕັ້ງກົນໄກຊົດໄຊ້ສິ່ງແວດລ້ອມຊີວະພາບ, ວາງແລະບູລະນະນະໂຍບາຍພາສີອາກອນທີ່ສົ່ງເສີມການປະຢັດພະລັງງານແລະຫຼຸດການລະບາຍສິ່ງເຊື່ອມພິດໃຫ້ສົມບູນຂຶ້ນ,ເພິ່ມງົບປະມານເຂົ້າໃນການປະຢັດພະລັງງານແລະຫຼຸດການລະບາຍສິ່ງເຊື່ອມພິດ,ເສີມສ້າງລະບອບກົດໝາຍທີ່ປະຢັດພະລັງງານແລະຫຼຸດການລະບາຍສິ່ງເຊື່ອມພິດຢ່າງແທ້ຈິງ,ພ້ອມທັງເພິ່ມການຕິດຕາມຄຸ້ມຄອງໃນດ້ານ ປະຢັດພະລັງງານແລະຫຼຸດການລະບາຍສິ່ງເຊື່ອມພິດ.
|
