|
ລາຄາກາງຂອງອັດຕາແລກປ່ຽນເງິນຢວນຈີນໄດ້ຕ່ຳກວ່າ7,7ຢວນ
cri
ຕາມຂ່າວCRI,ທະນາຄານປະຊາຊົນຈີນໄດ້ມອບສິດໃຫ້ສູນຊື້ຂາຍເງິນຕາຕ່າງປະເທດຈີນປະກາດວ່າ,ວັນທີ8ພຶດສະພານີ້,ໃນຕະຫຼາດເງິນຕາຕ່າງປະເທດລະຫວ່າງທະນາຄານ,ລາຄາກາງຂອງອັດຕາແລກປ່ຽນເງິນຢວນຈີນຕໍ່ເງິນໂດລາສະຫະລັດແມ່ນໜຶ່ງໂດລາຕໍ່7,6951ຢວນ.
ນີ້ແມ່ນເທື່ອທຳອິດທີ່ລາຄາກາງຕ່ຳກວ່າ7,7ຢວນນັບແຕ່ຈີນປະຕິບັດການປະຕິຮູບກົນໄກກຳນົດອັດຕາແລກປ່ຽນເງິນຢວນແຕ່ວັນທີ21ກໍລະກົດປີ2005ເປັນຕົ້ນມາ.
ເພື່ອປະສານສົມທົບກັບການປະຕິຮູບກົນໄກກຳນົດອັດຕາແລກປ່ຽນເງິນຢວນ,ຈີນໄດ້ປະກາດນະໂຍບາຍແລະມາດຕະການຕ່າງໆເພື່ອຊຸກຍູ້ການພັດທະນາຕະຫຼາດເງິນຕາຕ່າງປະເທດຢ່າງທັນການ,ແລະເລັ່ງລັດບາດກ້າວທີ່ເຊື່ອມໂຍງກັບຕະຫຼາດເງິນຕາຕ່າງປະເທດສາກົນ.ປັດຈຸບັນ,ອັດຕາແລກປ່ຽນເງິນຢວນມີລັກສະນະຄ່ອງຕົວຫຼາຍຂຶ້ນຢ່າງເດັ່ນຊັດ,ການສະໜອງແລະຄວາມຕ້ອງການຂອງຕະຫຼາດມີບົດບາດເບື້ອງຕົ້ນໃນການຊຸກຍູ້ໃຫ້ອັດຕາແລກປ່ຽນກຳເນີດຂຶ້ນ.
|
|
