"ສັບປະດາຄຳ"ຊຸກຍູ້ເສດຖະກິດວັນບຸນຂອງຈີນພັດທະນາຢ່າງວ່ອງໄວ
cri
ຕາມຂ່າວສານຊິນຮວາ,ນັບແຕ່ວັນຊາດ1ຕຸລາປີ1999ມາຮອດວັນກຳມະກອນສາກົນ1ພຶດສະພາປີນີ້,ຄົນຈີນໄດ້ຜ່ານໄລຍະພັກຍາວ7ມື້20ເທື່ອແລ້ວ.ວັນທີ8ພຶດສະພານີ້,ຫ້ອງການຂອງກອງປະຊຸມປະສານງານລະຫວ່າງກະຊວງຕ່າງໆທີ່ກ່ຽວຂ້ອງກັບການທ່ອງທ່ຽວວັນບຸນທົ່ວປະເທດຈີນປະກາດຕົວເລກເຊິ່ງສະແດງໃຫ້ເຫັນວ່າ,ນັບລວມແລ້ວ,ສັບປະດາຄຳ20ເທື່ອນີ້,ຈີນໄດ້ຕ້ອນຮັບນັກທ່ອງທ່ຽວພາຍໃນປະເທດ1ຕື້810ລ້ານເທື່ອຄົນ.ສ້າງລາຍໄດ້ຈາກການທ່ອງທ່ຽວ744ຕື້ຢວນ.
ວັນທີ18ກັນຍາປີ1999,ລັດຖະບານຈີນຕົກລົງເພີ່ມຈຳນວນມື້ພັກວັນບຸນໃຫ້ປະຊາຊົນ,ຈິ່ງໄດ້ເກີດເປັນໄລຍະພັກ7ມື້ລຽນຕິດ3ເທື່ອຄືໃນຍາມບຸນກຸດຈີນ,ວັນກຳມະກອນສາກົນ1ພຶດສະພາແລະວັນຊາດ1ຕຸລາ,ເຊິ່ງຖືກເອີ້ນເປັນສັບປະດາຄຳ.ໃນໄລຍະສັບປະດາຄຳ,ນອກຈາກໄປທ່ອງທ່ຽວຢູ່ຕ່າງຖິ່ນແລ້ວ,ການບໍລິໂພກຂອງຄົນຈີນນັບມື້ນັບສູງຂຶ້ນ,ອັນໄດ້ຊຸກຍູ້ເສດຖະກິດວັນບຸນພັດທະນາຢ່າງວ່ອງໄວ.
|
|