|
ທ່ານຫູຈິນທາວແລະທ່ານເວິ່ນເຈ່ຍປາວໃຫ້ຄຳຊີ້ແຈ້ງສຳຄັນຮຽກຮ້ອງໃຫ້ຮັບປະກັນຄວາມປອດໄພຂອງອ່າງເກັບນ້ຳໃນຍາມນ້ຳຂຶ້ນ
cri
ຕາມຂ່າວສານຊິນຮວາ,ຫວ່າງມໍ່ໆນີ້,ທ່ານຫູຈິນທາວ ເລຂາທິການໃຫຍ່ສູນກາງພັກກອມມູນິດຈີນ ປະທານປະເທດຈີນ ປະທານຄະນະກຳມະການການທະຫານສູນກາງຈີນແລະທ່ານເວິ່ນເຈ່ຍປາວ ກຳມະການປະຈຳກົມການເມືອງສູນກາງພັກກອມມູນິດຈີນ ນາຍົກລັດຖະມົນຕີຈີນຕ່າງໄດ້ໃຫ້ຄຳຊີ້ແຈ້ງທີ່ສຳຄັນ,ກ່າວນັ້ນວ່າຕ້ອງເພີ່ມຄວາມແຮງໃນການປົວແປງອ່າງເກັບນ້ຳທີ່ມີຄວາມອັນຕະລາຍນັ້ນໃຫ້ດີຂຶ້ນ,ຜັນຂະຫຍາຍໜ້າທີ່ປົວແປງໂດຍໄວ,ແລະເພີ່ມທະວີການຕິດຕາມຄຸ້ມຄອງ,ຍົກຄຸນນະພາບການປົວແປງໃຫ້ດີຂຶ້ນ,ຮັບປະກັນໃຫ້ອ່າງເກັບນ້ຳຜ່ານໄລຍະນ້ຳຂຶ້ນຢ່າງປອດໄພ.
ວັນທີ10ພຶດສະພານີ້,ກອງບັນຊາການສູງສຸດຕ້ານໄພນ້ຳຖ້ວມແລະໄພແຫ້ງແລ້ງແຫ່ງຊາດຈີນໄດ້ໄຂກອງປະຊຸມທາງໂທລະພາບແລະໂທລະສັບ,ຈັດວາງວຽກງານຮັກສາອ່າງເກັບນ້ຳໃຫ້ປອດໄພຢ່າງຮອບດ້ານໃນຍາມນ້ຳຂຶ້ນ.ກອງປະຊຸມຊີ້ອອກວ່າ,ສະພາບວິສະວະກຳອ່າງເກັບນ້ຳແລະລະດັບຄຸ້ມຄອງຄວາມປອດໄພ ຂອງຈີນໃນປັດຈຸບັນຍັງໄປບໍ່ທັນການພັດທະນາຂອງເສດຖະກິດສັງຄົມ,ມີບັນຫາພົ້ນເດັ່ນຈຳນວນໜຶ່ງທີ່ຕ້ອງແກ້ໄຂໂດຍດ່ວນ.ທີ່ປະຊຸມກ່າວເນັ້ນວ່າ,ກ່ອນຈະຮອດຍາມນ້ຳຂຶ້ນ,ຕ້ອງລົງເລິກກວດກາວຽກງານ ຮັບປະກັນຄວາມປອດໄພ ຂອງອ່າງເກັບນ້ຳທັງໝົດ,ເມື່ອມີບັນຫາກໍຕ້ອງສຸມກຳລັງແກ້ໄຂພາຍໃນເວລາກຳນົດ.ຕ້ອງສັບຊ້ອນ ຕາມຫຼັກວິທະຍາສາດ,ໃຊ້ພາຫະນະວິທະຍາສາດເຕັກນິກ,ເສີມຂະຫຍາຍບົດບາດປ້ອງກັນໄພນ້ຳຖ້ວມ,ຫຼຸດຜ່ອນໄພພິບັດຂອງລະບົບກິດຈະການຊົນລະປະທານລວມທັງອ່າງເກັບນ້ຳຢ່າງເຕັມສ່ວນ,ບັນຊາການເປັນເອກະພາບກັນ,ເພີ່ມທະວີການຄຸ້ມຄອງການແກ້ໄຂບັນຫາໂດຍດ່ວນ.
|
|
