|
ຜູ່ບັນຊາການຂອງກອງບັນຊາການສູງສຸດຂອງກອງທະຫານອາເມລິກາປະຈຳປາຊີຟິກກ່າວວ່າຈະສຸມກຳລັງເຂົ້າໃນສັນຕິພາບຂອງສອງຝັ່ງຊ່ອງແຄບໄຕ້ຫວັນ
cri
ຕາມໜັງສືພິມເຢິນມິນຢື້ປ້າວຂອງຈີນ, ວັນທີ12ພຶດສະພານີ້,ຢູ່ທີ່ປັກກິ່ງ,ທ່ານຕີໂມທີ ຄີຕິງ ຜູ່ບັນຊາການ ຂອງກອງບັນຊາການກອງທະຫານອາເມລິກາປະຈຳປາຊີຟິກທີ່ພວມຢ້ຽມຢາມຈີນກ່າວວ່າ,ການແລກປ່ຽນກັນລະຫວ່າງສອງກອງທັບອາເມລິກາຈີນພວມເພີ່ມທະວີຂຶ້ນເລື້ອຍໆ.ນະໂຍບາຍຕໍ່ໄຕ້ຫວັນຂອງອາເມລິກາບໍ່ໄດ້ມີການປ່ຽນແປງຫຍັງ,ຍັງຄົງຈະພະຍາຍາມຮັກສາສັນຕິພາບຢູ່ສອງຝັ່ງຊ່ອງແຄບໄຕ້ຫວັນຢ່າງໝັ້ນໜຽວບໍ່ປ່ຽນແປງ.
ໃນເວລາກ່າວເຖິງຄວາມຮູ້ສຶກໃນການຢ້ຽມຢາມຈີນເທື່ອນີ້,ທ່ານຄີຕິງກ່າວວ່າ,ການເຈລະຈາກັບເຈົ້າໜ້າລັດຖະບານແລະກອງທະຫານທັບຈີນແມ່ນເວົ້າກັນແບບກົງໄປກົງມາແລະມີລັກສະນະສ້າງສັນ.ອາເມລິກາຍິນດີເພີ່ມທະວີການໄປມາຫາສູ່ກັນລະຫວ່າງສອງກອງທັບຕື່ມອີກບົນພື້ນຖານທີ່ມີຢູ່ໃນປັດຈຸບັນລະຫວ່າງອາເມລິກາກັບຈີນ,ເພີ່ມຄວາມໄວ້ເນື້ອເຊື່ອໃຈກັນແລະຄວາມເຂົ້າໃຈກັນ,ດຳເນີນການແລກປ່ຽນແລະຮ່ວມມືກັນໃນລະດັບຕ່າງໆແລະຂົງເຂດຕ່າງໆ.
ທ່ານຄີຕິງກ່າວເນັ້ນວ່າ,ອາເມລິກາຈະສືບຕໍ່ຍຶດໝັ້ນຫຼັກການປະເທດຈີນດຽວ,ເຄົາລົບປະການແຈ້ງການຮ່ວມສາມສະບັບລະຫວ່າງອາເມລິກາກັບຈີນ,ຈະບໍ່ສະໜັບສະໜູນໄຕ້ຫວັນເປັນເອກະລາດຢ່າງເດັດຂາດ.
|
|
