ຕາມ​ຂ່າວCRI:ຫວ່າງ​ມໍ່ໆ​ນີ້,​ໃນ​ເວລາ​ໃຫ້​ສຳພາດ​ຕໍ່​ນັກ​ຂ່າວ,ທ່ານ​ຮວງ​ເຈ​ຟູ ລັດຖະມົນຕີ​ຊ່ອຍ​ວ່າການ​ກະຊວງ​ສາທາລະນະ​ສຸກ​ຈີນ​ກ່າວ​ວ່າ,ຈີນ​ມີ​ແຜນ​ຈະໃຊ້​ເວລາ3​ປີ​ຫາ5​ປີ​ ສ້າງ​ລະບົບຍ້າຍ​ເພາະ​ອະ​ໄວ​ຍະ​ວະທີ່ອ່າວ​ສົມບູນ.

ທ່ານ​ຮວງ​ເຈ​ຟູ​​ແຈ້ງ​ໃຫ້​ຮູ້​ວ່າ,ນັບ​ແຕ່​ປີ2006ມາ​ນີ້,ຈີນ​ໄດ້​ປະກາດ​ໃຊ້ມາດ​ຕະການ​ເຕັກ​ນິກ ​​ແລະກົດໝາຍ​ກົດ​ບັນຍັດຕ່າງໆທີ່​ກ່ຽວ​ຂ້ອງກັບ​ການ​ຍ້າຍ​ເພາະ​ອະ​ໄວ​ຍະ​ວະຢ່າງ​ເປັນ​ລຳດັບ.ປັດຈຸບັນ,ຈີນ​ໄດ້​ເລືອກອົງ​ການ​ປິ່ນປົວປະມານ160​ແຫ່ງຈາກ​ອົງການ​ປິ່ນປົວ600​ແຫ່ງ​ທົ່ວ​ປະ​ເທດ​ທີ່ຍື່ນ​ຄຳ​ຮ້ອງ,​ເປັນ​ອົງການ​ປິ່ນປົວ​ທີ່ລັດຮັບ​ຮອງ​ແລະ​ສາມາດ​ດຳ​ເນີນ​ການຜ່າຕັດ​ຍ້າຍ​ເພາະ​ອະ​ໄວ​ຍະ​ວະ,ກະ​ຊວງ​ສາທາ​ລະນະ​ສຸກ​ຈີນ​ຍັງ​ຈະ​ຊຸກ​ຍູ້​ໃຫ້​ສາທາ​ລະນະ​ຊົນ​​ໃນ​ສັງຄົມຮັບ​ຮູ້ມະ​ໂນ​ພາບ​ກ່ຽວ​ກັບ​ສະໝອງ​ຕາຍ​,ສ້າງ​ລະບອບ​ບໍລິຈາກ​ອະ​ໄວ​ຍະ​ວະ​ທີ່​ສົມບູນ.ນອກ​ນີ້,ຈີນ​ຍັງ​ຈະ​ສ້າງ​ເຄືອ​ຂ່າຍ​ແບ່ງ​​ປັນອະ​ໄວ​ຍະ​ວະ​ລັກສະ​ນະ​ພູມີພາກ,​ເພື່ອຍົກ​ຄວາມ​ສົມ​ເຫດ​ສົມ​ຜົນ​ແລະປະ​ສິດທິພາບ​ຂອງ​ການ​ແບ່ງປັນ​ອະ​ໄວ​ຍະ​ວະ​ໃຫ້​ສູງ​ຂຶ້ນ.

ຕາມ​ສະຖິຕິ,ຈີນໄດ້​ກາຍ​ເປັນ​ປະ​ເທດ​ໃຫຍ່​ທີ​ສອງ​ໃນ​ໂລກ​ໃນ​ການ​ຍ້າຍ​ເພາະ​ອະ​ໄວ​ຍະ​ວະ​ເຊິ່ງຮອງ​ຈາກ​ເມ​ລິ​ກາ.