|
ໂຄສົກກະຊວງການຕ່າງປະເທດຈີນກ່າວວ່າແຜນເລິກແລບຂອງເຈົ້າໜ້າທີ່ໄຕ້ຫວັນທີ່ສວຍໃຊ້ບັນຫາສາທາລະນະສຸກເພື່ອເຮັດໃຫ້"ໄຕ້ຫວັນເປັນເອກະລາດໃນດ້ານນິຕິທຳ"ໃນສາກົນບັນລຸຜົນເປັນຈິງບໍ່ໄດ້
cri
ຕາມຂ່າວcri:ວັນທີ15 ພຶດສະພານີ້,ນາງຈ່ຽງຢູ ໂຄສົກກະຊວງການຕ່າງປະເທດຈີນຖະແຫຼງວ່າ,ແຜນການອັນເລິກແລບຂອງເຈົ້າໜ້າທີ່ໄຕ້ຫວັນທີ່ຢາກສວຍໃຊ້ບັນຫາສາທາລະນະສຸກມາເຮັດໃຫ້"ໄຕ້ຫວັນເປັນເອກະລາດໃນດ້ານນິຕິທຳ"ໃນສາກົນແມ່ນບັນລຸຜົນເປັນຈິງບໍ່ໄດ້.
ວັນທີ14 ພຶດສະພານີ້,ກອງປະຊຸມໃຫຍ່ອະນາໄມໂລກຄັ້ງທີ60ໄດ້ຈັດຂຶ້ນຢູ່ເຊີແນວ.ພາຍໃຕ້ການຍຸຍົງຂອງເຈົ້າໜ້າທີ່ໄຕ້ຫວັນ,ບາງປະເທດສະເໜີໃຫ້ຈັດເອົາຍັດຕິທີ່"ຮຽກຮ້ອງໃຫ້ກອງປະຊຸມໃຫຍ່ອະນາໄມໂລກຫາລືຄຳຮ້ອງຂໍເຂົ້າເປັນສະມາຊິກອົງການອະນາໄມໂລກຂອງໄຕ້ຫວັນ"ເຂົ້າໃນວາລະການປະຊຸມ.ຄວາມຮຽກຮ້ອງທີ່ໄຮ້ເຫດຜົນດັ່ງກ່າວໄດ້ຖືກສະມາຊິກທັງຫຼາຍຂອງອົງການອະນາໄມໂລກຄັດຄ້ານຢ່າງເດັດດ່ຽວ,ຖືກກອງປະຊຸມໃຫຍ່ປະຕິເສດຢ່າງເດັດຂາດ.
ນາງຈ່ຽງຢູຊີ້ອອກວ່າ,ອົງການອະນາໄມໂລກແມ່ນອົງການສະເພາະຂອງສະຫະປະຊາຊາດທີ່ປະກອບດ້ວຍປະເທດອະທິປະໄຕ,ໄຕ້ຫວັນຈຶ່ງບໍ່ມີເງື່ອນໄຂເຂົ້າເປັນສະມາຊິກ.ກອງປະຊຸມໃຫຍ່ອະນາໄມໂລກປະຕິເສດຍັດຕິທີ່ກ່ຽວຂ້ອງກັບໄຕ້ຫວັນອີກເທື່ອໜຶ່ງ,ສະແດງໃຫ້ເຫັນວ່າຫຼັກການຈີນດຽວແມ່ນຄວາມຮັບຮູ້ຄືກັນທົ່ວໄປຂອງປະຊາຄົມໂລກ,ແຜນການອັນເລິກແລບຂອງເຈົ້າໜ້າທີ່ຫວັນທີ່ຢາກສວຍໃຊ້ບັນຫາສາທາລະນະສຸກມາເຮັດໃຫ້"ໄຕ້ຫວັນເປັນເອກະລາດໃນດ້ານນິຕິທຳ"ໃນສາກົນຈຶ່ງບັນລຸຜົນເປັນຈິງບໍ່ໄດ້
|
|
