|
ທ່ານຫູຈິນທາວກ່າວວ່າຈີນຍິນດີຖືໂອກາດຈັດກິດຈະກຳປີແຫ່ງລັດຊຸກຍູ້ໃຫ້ການພົວພັນຄູ່ຮ່ວມມືປະສານງານຍຸດທະສາດຈີນຣັດເຊຍຂະຫຍາຍໄປໜ້າ
cri
ຕາມຂ່າວCRI,ວັນທີ15ພຶດສະພານີ້,ຢູ່ທີ່ປັກກິ່ງ,ທ່ານຫູຈິນທາວ ປະທານປະເທດຈີນກ່າວວ່າ,ຈີນຍິນດີພ້ອມກັນກັບຣັດເຊຍ ຖືໂອກາດຈັດກິດຈະກຳປີແຫ່ງລັດຂອງກັນ,ເພີ່ມທະວີໄມຕີຈິດຖານບ້ານໃກ້ເຮືອນຄຽງ,ເພີ່ມທະວີການຮ່ວມມືທີ່ຕິດແທດຕົວຈິງ,ພ້ອມກັນຊຸກຍູ້ໃຫ້ການພົວພັນຄູ່ຮ່ວມມືປະສານງານຍຸດທະສາດຈີນຣັດເຊຍຂະຫຍາຍໄປໜ້າ.
ທ່ານຫູຈິນທາວແມ່ນໃຫ້ທັດນະນະດັ່ງກ່າວໃນເວລາພົບປະກັບທ່ານໂບລິສກຼີສລົຟ ປະທານສະພາດູມາແຫ່ງຊາດຣັດເຊຍ.ເມື່ອກ່າວເຖິງການຮ່ວມມືລະຫວ່າງອົງການນິຕິບັນຍັດຂອງສອງປະເທດ,ທ່ານຫູຈິນທາວກ່າວວ່າ,ສອງຝ່າຍຄວນເສີມຂະຫຍາຍຈຸດພິເສດຂອງພາລະບົດບາດແລະທ່າແຮງຂອງໃຜລາວ,ຊຸກຍູ້ການໄປມາຫາສູ່ກັນຢ່າງມີໄມຕີຈິດໃນລະດັບຕ່າງໆແລະຂົງເຂດຕ່າງໆລະຫວ່າງສອງປະເທດຢ່າງສະເໝີຕົ້ນສະເໝີປາຍ,ເຮັດໃຫ້ພາລະກິດມິດຕະພາບຈີນຣັດເຊຍສືບທອດກັນໄປທຸກເຊັ່ນຄົນ.
ທ່ານກຼີສລົຟ ກ່າວວ່າ,ປັດຈຸບັນ,ການພົວພັນຣັດເຊຍຈີນໄດ້ຂະຫຍາຍໄປຮອດລະດັບສູງທີ່ບໍ່ເຄີຍມີມາກ່ອນ.ຣັດເຊຍຍິນດີຮ່ວມກັບຈີນຊຸກຍູ້ການຮ່ວມມືທີ່ຕິດແທດຕົວຈິງໃນຂົງເຂດຕ່າງໆລະຫວ່າງສອງປະເທດ.
ມື້ດຽວກັນ,ທ່ານເຈຍຊິ້ງລິນ ປະທານສະພາປຶກສາການເມືອງປະຊາຊົນແຫ່ງຊາດຈີນກໍໄດ້ພົບປະທ່ານກຼີສລົຟ
|
|
