|
|
 |
| (GMT+08:00)
2007-05-18 20:32:47
|
 |
|
ປີ2015ຈີນຈະກາຍເປັນປະເທດທີ່ຕ້ອນຮັບນັກທ່ອງທ່ຽວຕ່າງປະເທດຫຼາຍກວ່າໝູ່ໃນໂລກ
cri
ຕາມຂ່າວສານຊິນຮວາ,ວັນທີ17ພຶດສະພານີ້,ທ່ານຊ້າວສີເວີຍ ຫົວໜ້າກົມທ່ອງທ່ຽວແຫ່ງຊາດຈີນກ່າວວ່າ,ອີງຕາມການຄາດຄະເນຫຼ້າສຸດຂອງອົງການທ່ອງທ່ຽວໂລກສະຫະປະຊາຊາດ,ເມື່ອຮອດປີ2015,ຈີນຈະກາຍເປັນປະເທດທີ່ຕ້ອນຮັບນັກທ່ອງທ່ຽວຕ່າງປະເທດຫຼາຍກວ່າໝູ່ແລະເປັນປະເທດທີ່ສົ່ງນັກທ່ອງທ່ຽວຫຼາຍທີ4ທີ່ໄປທ່ຽວຕ່າງປະເທດໃນໂລກ.
ໃນເວທີປາໄສສາກົນກ່ຽວກັບງານກິລາໂອລິມປິກກັບການທ່ອງທ່ຽວຈີນທີ່ຈັດຂຶ້ນຢູ່ນະຄອນຊິ່ງຕາວຂອງຈີນໃນມື້ດຽວກັນ,ທ່ານຊ້າວສີເວີຍກ່າວວ່າ,ອີງຕາມການຄາດຄະເນດັ່ງກ່າວ,ເມື່ອຮອດປີ2015,ຈຳນວນນັກທ່ອງທ່ຽວທີ່ມາທ່ຽວຢູ່ຈີນຈະມີເຖິງ200ລ້ານເທື່ອຄົນ,ຈຳນວນນັກທ່ອງທ່ຽວທີ່ໄປທ່ຽວຕ່າງປະເທດຈະມີປະມານ100ລ້ານເທື່ອຄົນ.
ທ່ານຊ້າວສີເວີຍກ່າວວ່າ,ກົມທ່ອງທ່ຽວແຫ່ງຊາດຈີນພວມຖືການທ່ອງທ່ຽວງານກິລາໂອລິມປິກເປັນໂອກາດສຳຄັນເພື່ອຊຸກຍູ້ການທ່ອງທ່ຽວຂອງຈີນໃຫ້ພັດທະນາ,ຖື ງານກິລາໂອລິມປິກສີຂຽວ ງານກິລາໂອລິມປິກວິທະຍາສາດເຕັກນິກ ແລະງານກິລາໂອລິມປິກວັດທະນະທຳເປັນຫົວຂໍ້,ລະດົມກຳລັງທົ່ວປະເທດ,ເຕົ້າໂຮມການສະໜັບສະໜູນຂອງຝ່າຍຕ່າງໆເພື່ອຊຸກຍູ້ໃຫ້ການທ່ອງທ່ຽວຂອງຈີນພັດທະນາຢ່າງໄວວາ.
|
|
|
