|
ຕາມຂ່າວສານຊິນຮວາ,ວັນທີ18ພຶດສະພານີ້,ຢູ່ທີ່ປັກກິ່ງ,ທ່ານຢາງເຈສື(ຂວາ) ລັດຖະມົນຕີວ່າການກະຊວງການຕ່າງປະເທດຈີນໄດ້ພົບປະກັບທ່ານຟາມເກຍຄຽມ ຮອງນາຍົກລັດຖະມົນຕີ ທັງເປັນລັດຖະມົນຕີວ່າການກະຊວງການຕ່າງປະເທດຫວຽດນາມທີ່ຕິດຕາມທ່ານຫງວນມິງຈຽດ ປະທານປະເທດຫວຽດນາມມາຢ້ຽມຢາມຈີນ.
ທ່ານຢາງເຈສື ແລະທ່ານຟາມເກຍຄຽມຕ່າງໄດ້ກ່າວວ່າ,ສອງຝ່າຍຍິນດີພ້ອມກັນທຳຄວາມພະຍາຍາມ,ຕັ້ງໜ້າຜັນຂະຫຍາຍຄວາມຮັບຮູ້ ຄືກັນທີ່ສຳຄັນຂອງຜູ່ນຳສອງປະເທດກ່ຽວກັບການລົງເລິກຂະຫຍາຍການພັວພັນລະຫວ່າງສອງປະເທດຢ່າງຮອບດ້ານ,ຮັກສາທ່ວງທ່າໄປມາຫາສູ່ກັນລະຫວ່າງຊັ້ນສູງຂອງສອງປະເທດ,ລົງເລິກການຮ່ວມມືໃນຂົງເຂດຕ່າງໆເຊັ່ນ ການເມືອງ,ເສດຖະກິດການຄ້າ,ວິທະຍາສາດເຕັກນິກ,ວັດທະນະທຳ,ການສຶກສາແລະອື່ນໆ.ເພີ່ມທະວີການທຳຄວາມເຂົ້າໃຈກັນແລະປະສານສົມທົບກັນໃນວຽກງານສາກົນແລະພາກພື້ນ,ຊຸກຍູ້ໃຫ້ໄມຕີຈິດຖານບ້ານໃກ້ເຮືອນຄຽງທີ່ດີຕໍ່ກັນແລະການຮ່ວມມືຮອບດ້ານລະຫວ່າງຈີນຫວຽດນາມພັດທະນາຢ່າງໝັ້ນທ່ຽງຍາວນານ.
ສອງຝ່າຍຍັງໄດ້ແລກປ່ຽນຄວາມເຫັນກ່ຽວກັບການເພີ່ມທະວີການຮ່ວມມືລະຫວ່າງກະຊວງການຕ່າງປະເທດຂອງສອງປະເທດພ້ອມດ້ວຍບັນຫາທີ່ຕ່າງໃຫ້ຄວາມສົນໃຈນຳກັນ.
|
