|
ຕາມຂ່າວສານຊິນຮວາ:ກອງປະຊຸມລະດັບລັດຖະມົນຕີປະເທດເຊັນບົດບັນທຶກຄວາມເຂົ້າໃຈຕ້ານຢາເສບຕິດອະນຸພາກພື້ນອາຊີຕາເວັນອອກຄັ້ງທີ7ຈະຈັດຂຶ້ນຢູ່ທີ່ປັກກິ່ງແຕ່ວັນທີ22ຫາວັນທີ25ພຶດສະພານີ້.ຮອດເວລານັ້ນ,ຈະມີຜູ້ຕາງໜ້າແລະນັກສັງເກດການເກືອບຮ້ອຍຄົນຂອງຈີນ,ກຳປູເຈຍ,ລາວ,ມຽນມາ,ໄທ,ຫວຽດນາມແລະຫ້ອງການບັນຫາຢາເສບຕິດແລະຕ້ອງໂທດສະຫະປະຊາຊາດມາຮ່ວມປະຊຸມ.
ປີ1993,ເພື່ອດຳເນີນການຮ່ວມມືລະຫວ່າງຊາດເພື່ອຕ້ານຢາເສບຕິດຢ່າງບັງເກີດຜົນກວ່າເກົ່າຢູ່"ເຂດສາມຫຼ່ຽມຄຳ"ແລະປະເທດອ້ອມຂ້າງ,ຈີນ,ມຽນມາ,ໄທ,ລາວແລະອົງການສະຫະປະຊາຊາດຕ້ານຢາເສບຕິດ ເຊິ່ງພາຍຫຼັງມາປັບປຸງເປັນຫ້ອງການບັນຫາຢາເສບຕິດແລະຕ້ອງໂທດສະຫະປະຊາຊາດ)ໄດ້ພ້ອມກັນເຊັນບົດບັນທຶກຄວາມເຂົ້າໃຈຕ້ານຢາເສບຕິດອະນຸພາກພື້ນອາຊີຕາເວັນອອກ.ໃນເດືອນພຶດສະພາປີ1995,ກອງປະຊຸມລະດັບລັດຖະມົນຕີຄັ້ງປະຖົມມະເລີກຈັດຂຶ້ນຢູ່ທີ່ປັກກິ່ງ,ໄດ້ຮັບຮອງຖະແຫຼງການປັກກິ່ງແລະແຜນການດຳເນີນງານຕ້ານຢາເສບຕິດອະນຸພາກພື້ນ,ຮັບເອົາກຳປູເຈຍແລະຫວຽດນາມເປັນປະເທດເຊັນສັນຍາ,ຕົກລົງວ່າຈະດຳເນີນການຮ່ວມມືພາກພື້ນດ້ວຍຮູບການທີ່ສະຫະປະຊາຊາດຊ່ອຍເຫືຼອໂຄງການຮ່ວມມືຕ້ານຢາເສບຕິດ,ກົນໄກຮ່ວມມືຕ້ານຢາເສບຕິດ6ປະເທດ7ຝ່າຍຈິ່ງໄດ້ກຳເນີດຂຶ້ນຢ່າງເປັນທາງການ.
ເມື່ອປະເທດພາກພື້ນດັ່ງກ່າວທຳຄວາມພະຍາຍາມຢ່າງບໍ່ລົດລະແລ້ວ,ເນື້ອທີ່ປູກຕົ້ນຝິ່ນຢູ່ເຂດສາມຫຼຽມຄຳໄດ້ຫຼຸດລົງຢ່າງຫຼວງຫຼາຍ.ນັບແຕ່ຊຸມປີ1990ເປັນຕົ້ນມາ,ຈີນໄດ້ຊ່ອຍຈັດກິດຈະກຳປູກຝັງເພື່ອເຂົ້າແທນດ້ວຍຫຼາຍຮູບຫຼາຍແບບຢູ່ພາກເໜືອມຽນມາແລະລາວ.ພ້ອມກັນນັ້ນ,ປະເທດຕ່າງໆຍັງໄດ້ຮ່ວມກັນມ້າງຄະດີຢາເສບຕິດຂ້າມຊາດຈຳນວນໜຶ່ງ,ທັບມ້າງກຸ່ມຄ້າຢາເສບຕິດຂ້າມຊາດຫຼາຍກຸ່ມ,ການຕ້ອງໂທດທີ່ຜະລິດແລະຄ້າຂາຍຢາເສບຕິດໄດ້ຖືກສະກັດກັ້ນຢ່າງແຂງແຮງ.
|
