|
ທ່ານຢາງລີ້ເຫວີຍເວົ້າວ່າ,ນັກບິນອະວະກາດຈີນເຂົ້າປະຈຳສະຖານີອະວະກາດສາກົນເປັນເລື່ອງທີ່ແນ່ນອນແລ້ວ,ພຽງແຕ່ຍັງຕ້ອງການເວລາທໍ່ນັ້ນ
cri
Author: da
ຕາມຂ່າວສານຊິນຮວາ:ວັນທີ21ພຶດສະພານີ້ ຢູ່ປັກກິ່ງ ທ່ານຢາງລີ້ເຫວີຍ ນັກບິນອະວະກາດຜູ່ທຳອິດຂອງຈີນ ຮອງຫົວໜ້າສູນເຝິກອົບຮົມແລະຄົ້ນຄວ້າວິທະຍາສາດນັກບິນອະວະກາດຈີນກ່າວວ່າ,ນັກບິນອະວະກາດຈີນເຂົ້າປະຈຳສະຖານີອະວະກາດສາກົນເປັນເລື່ອງທີ່ແນ່ນອນແລ້ວ,ພຽງແຕ່ຕ້ອງການເວລາທໍ່ນັ້ນ.
ໃນເວລາເຂົ້າຮ່ວມກອງປະຊຸມວິຊາກາສາກົນກ່ຽວກັບ"ຄົນຢູ່ອະວະກາດ"ຄັ້ງທີ16,ທ່ານຢາງລີ້ເຫວີຍໄດ້ໃຫ້ສຳພາດຕໍ່ນັກຂ່າວວ່າ,ການສຳຫຼວດອະວະກາດແມ່ນພາລະກິດຮ່ວມຂອງມວນມະນຸດ,ການເຂົ້າປະຈຳສະຖານີອະວະກາດສາກົນແມ່ນຄວາມພະຍາຍາມຂອງພະນັກງານການບິນອະວະກາດຂອງປະເທດຕ່າງໆໃນໂລກ.ຫວັງໃຫ້ຍານອະວະກາດຂອງປະເທດຕ່າງໆສາມາດມີມາດຕະຖານຮ່ວມທີ່ຕິດຈອດກັນໄດ້,ນີ້ມີຜົນດີຕໍ່ການຮ່ວມມືການບິນອະວະກາດລະຫວ່າງປະເທດຕ່າງໆໃນໂລກ. ຖ້າມີມາດຕະຖານຮ່ວມອັນດຽວກັນແລ້ວ,ຍານອະວະກາດກໍຈະບໍ່ພຽງແຕ່ເຊື່ອມຕໍ່ກັບສະຖານີອະວະກາດທໍ່ນັ້ນ,ຫາກຍັງຈະສາມາດເຊື່ອມຕໍ່ກັບຍານອະວະກາດຂອງປະເທດຕ່າງໆ.ນີ້ພຽງແຕ່ຍັງຕ້ອງການເວລາທໍ່ນັ້ນ.
ທ່ານຢາງລີ້ເຫວີນເວົ້າວ່າ,ເວົ້າສຳລັບດ້ານຊີວິດການເປັນຢູ່ພື້ນຖານແລ້ວ,ປະຈຸບັນ ຍານອະວະກາດຂອງຈີນກັບຂອງຕ່າງປະເທດແມ່ນຢູ່ໃນລະດັບດຽວກັນ.
|
|
