|
ຈີນຈະສືບຕໍ່ເພີ່ມທະວີການໂຈມຕີການລັກລອກແບບທີ່ລ່ວງລ້ຳສິດ
cri
Author: cai
ຕາມຂ່າວCRI:ວັນທີ 22 ພຶດສະພານີ້,ຢູ່ປັກກິ່ງ,ທ່ານຫຼີວປີ່ນເຈຍ ຫົວໜ້າກົມໃຫຍ່ຖະແຫຼງຂ່າວແລະພິມຈຳໜ່າຍ ຫົວໜ້າກົມສິດທິບັດແຫ່ງຊາດຈີນກ່າວວ່າ,ລັດຖະບານຈີນຈະນຳໃຊ້ວິທີລົງໂທດທາງການບໍລິຫານແລະການໂຈມຕີທາງອາດຍາຢ່າງເຕັມທີ່,ສືບຕໍ່ໂຈມຕີການລັກລອກແບບທີ່ລ່ວງລ້ຳສິດປະເພດຕ່າງໆຢ່າງເຄັ່ງຄັດ,ກວດກາແລະລົງໂທດຕໍ່ໂຮງງານລັບທີ່ຜະລິດແລະຂາຍຜະລິດຕະພັນທີ່ລັກລອກແບບ.
ໃນກອງປະຊຸມທີ່ກ່ຽວຂ້ອງທີ່ຈັດຂຶ້ນໃນມື້ດຽວກັນ,ທ່ານຫຼີວປີ່ນເຈຍກ່າວວ່າ,ໃນ 4 ເດືອນຕົ້ນປີນີ້,ຈີນໄດ້ກວດກາແລະລົງໂທດຕໍ່ຄະດີລັກລອກແບບສິ່ງພິມລວມ 40 ລ້ານກວ່າຄະດີ,ລົງໂທດທາງອາດຍາ 200 ກວ່າຄະດີ.ແຕ່ພ້ອມກັນນັ້ນ,ການລັກລອກແບບພິມແລະຈຳໜ່າຍສິ່ງພິມເຫຼົ່ານີ້ແມ່ນເຮັດເປັນກຸ່ມແລະນຳໃຊ້ເຕັກນິກສູງ,ຍິ່ງເລິກລັບກວ່າເກົ່າ,ຈຶ່ງໄດ້ເພີ່ມຄວາມຍາກໃນການກວດກາ.ທ່ານຮຽກຮ້ອງໃຫ້ແຫ່ງຕ່າງໆໃນທົ່ວປະເທດໃຊ້ມາດຕະການທີ່ສົມຄູ່ກັນຕາມຈຸດພິເສດຂອງພວກຕ້ອງໂທດ,ສືບຕໍ່ໂຈມຕີການກະທຳລັກລອກແບບທີ່ລ່ວງລ້ຳສິດຢ່າງເຄັ່ງຄັດ.
|
|
