|
|
 |
| (GMT+08:00)
2007-05-24 19:57:09
|
 |
|
ທ່ານອູປາງໂກກ່າວວ່າຈີນຍິນດີພ້ອມກັບປະເທດຕ່າງໆຂອງສະຫະພາບເອີລົບຊຸກຍູ້ການຮ່ວມມືດ້ານຍຸດທະສາດ
cri
Author: da
ຕາມຂ່າວສານຊິນຮວາ: ວັນທີ23ພຶດສະພານີ້ ຢູ່ບູດາແປັດສ໌ ນະຄອນຫຼວງຮົງກາຣີ ທ່ານອູປາງໂກ ປະທານສະພາປະຊາຊົນແຫ່ງຊາດຈີນທີ່ພວມຢ້ຽມຢາມຮົງກາຣີຢ່າງເປັນທາງການກ່າວວ່າ,ຈີນຍິນດີພ້ອມກັບປະເທດສະມາຊິກສະຫະພາບເອີລົບສືບຕໍ່ເພີ່ມທະວີການໄປມາຫາສູ່ທາງການເມືອງ,ຊຸກຍູ້ການຮ່ວມມືດ້ານຍຸດທະສາດ,ຜ່ານຈາກການສົນທະນາຢ່າງສະເໝີພາບເພື່ອແກ້ໄຂຄວາມສົນໃຈຮ່ວມກັນຢ່າງເໝາະສົມ.
ຕອນບ່າຍມື້ດຽວກັນ,ທ່ານໂຊໂຢມ ລັສໂລ ປະທານາທິບໍດີຮົງກາຣີໄດ້ພົບປະທ່ານອູປາງໂກ.ທ່ານອູປາງໂກກ່າວວ່າ,ຝ່າຍຈີນເອົາໃຈໃສ່ນຳການຂະຫຍາຍການພົວພັນກັບສະຫະພາບເອີລົບ,ຍິນດີພ້ອມກັບບັນດາປະເທດສະມາຊິກສະຫະພາບເອີລົບຊຶ່ງລວມທັງຮົງກາຣີພ້ອມກັນພະຍາຍາມ,ຊຸກຍູ້ການພົວພັນຄູ່ຍຸດທະສາດຮອບດ້ານລະຫວ່າງຈີນເອີລົບຂະຫຍາຍໄປໜ້າຢ່າງບໍ່ຢຸດຢັ້ງ.ທ່ານຍັງກ່າວວ່າ,ຈີນເອົາໃຈໃສ່ໃນລະດັບສູງຕໍ່ຄວາມກ້າວໜ້າທາງວິທະຍາສາດເຕັກນິກ ວຽກງານການອະນຸລັກສິ່ງແວດລ້ອມແລະການປະຢັດພະລັງງານ,ຮົງກາຣີມີທ່າແຮງພົ້ນເດັ່ນໃນດ້ານການປະດິດສ້າງທາງວິທະຍາສາດເຕັກນິກເປັນຕົ້ນ,ຈີນຮົງກາຣີມີໂອກາດອັນກວ້າງຂວາງເພື່ອຮ່ວມມືກັນໃນຂົງເຂດເຫຼົ່ານີ້.
ທ່ານໂຊໂຢມກ່າວວ່າ,ຝ່າຍຮົງກາຣີຍິນດີຮ່ວມກັບຝ່າຍຈີນເພີ່ມທະວີການຮ່ວມມືທີ່ຕິດແທດຕົວຈິງໃນຂົງເຂດວິທະຍາສາດເຕັກນິກ ການສຶກສາ ການອະນຸລັກສິ່ງແວດລ້ອມ ແລະການທ່ອງທ່ຽວເປັນຕົ້ນ.ທ່ານຍັງກ່າວວ່າ,ຮົງກາຣີຫວັງວ່າຈະສະແດງບົດບາດທີ່ສຳຄັນກວ່າເກົ່າໃນການພົວພັນລະຫວ່າງເອີລົບຈີນ.
ມື້ດຽວກັນ,ທ່ານເຢິຊານີ ຟີເຣັນ ນາຍົກລັດຖະມົນຕີ ແລະນາງຊີລີ ກາຕາລິນ ປະທານສະພາແຫ່ງຊາດຮົງກາຣີຕ່າງກໍໄດ້ເຈລະຈາກັບທ່ານອູປາງໂກ.
|
|
|
