|
|
 |
| (GMT+08:00)
2007-05-27 18:26:48
|
 |
|
ທ່ານຈ່ຽງເອິນຈູ້ກ່າວວ່າຮົງກົງໄດ້ຮັບຜົນສຳເລັດອັນໃຫຍ່ຫຼວງໃນການປະຕິບັດທິດທາງ"ປະເທດດຽວມີສອງລະບອບ"
cri
ຕາມຂ່າວສານຊິນຮວາ,ໃນເວລາໃຫ້ສຳພາດຕໍ່ນັກຂ່າວຢູ່ທີ່ປັກກິ່ງໃນຫວ່າງມໍ່ໆນີ້,ທ່ານຈ່ຽງເອິນຈູ້ ຫົວໜ້າຄະນະກຳມາທິການວຽກງານຕ່າງປະເທດຂອງສະພາປະຊາຊົນແຫ່ງຊາດຈີນກ່າວວ່າ,ຕັ້ງແຕ່ຮົງກົງກັບຄືນສູ່ປະເທດຊາດເປັນເວລາ10ປີມານີ້,ການປະຕິບັດທິດທາງ"ປະເທດດຽວມີສອງລະບອບ"ຢູ່ຮົງກົງໄດ້ຮັບຜົນສຳເລັດອັນໃຫຍ່ຫຼວງ.
ທ່ານຈ່ຽງເອິນຈູ້ກ່າວວ່າ,ໝາກຜົນຂອງຮົງກົງໃນການປະຕິບັດທິດທາງ"ປະເທດດຽວມີສອງລະບອບ"ຕົ້ນຕໍແມ່ນສະແດງໃຫ້ເຫັນຢູ່ບ່ອນ ວ່າ:ຈີນຟື້ນຟູການໃຊ້ອະທິປະໄຕເໜືອຮົງກົງ, ໄດ້ປົກປັກຮັກສາອະທິປະໄຕແລະຜືນແຜ່ນດິນອັນຄົບຖ້ວນຂອງຊາດ,ພ້ອມກັນນັ້ນກໍໄດ້ເຮັດໃຫ້ພີ່ນ້ອງຮ່ວມຊາດຮົງກົງເປັນເຈົ້າບ້ານຄອງເມືອງຢ່າງແທ້ຈິງ.ທິດທາງ"ປະເທດດຽວມີສອງລະບອບ"ໄດ້ເຮັດໃຫ້ຮົງກົງສືບຕໍ່ຮັກສາທ່າແຮງແລະຈຸດພິເສດຂອງຕົນ,ຮົງກົງມີຄວາມຈະເລີນຮຸ່ງເຮືອງແລະສະຖຽນລະພາບຕໍ່ໄປ.ພາຍຫຼັງຮົງກົງກັບຄືນປະເທດຊາດແລ້ວ,ການຮ່ວມມືແລະແລກປ່ຽນກັນໃນດ້ານຕ່າງໆລະຫວ່າງຮົງກົງກັບເຂດໃນຈີນລ້ວນແຕ່ໄດ້ກ້າວຂຶ້ນຂັ້ນໄດໃໝ່.ຮົງກົງມີເງື່ອນໄຂຊົມໃຊ້ກຽດສັກສີອັນສູງສົ່ງໃນສາກົນຂອງປະເທດຊາດ.
ໃນເວລາຕີລາຄາຜົນສຳເລັດໃນດ້ານ"ຊາວຮົງກົງປົກຄອງຮົງກົງ",ທ່ານຈ່ຽງເອິນຈູ້ຊີ້ອອກວ່າ,ຊາວຮົງກົງມີຄວາມສາມາດເຕັມສ່ວນໃນການປົກຄອງຮົງກົງໃຫ້ດີ.
|
|
|
